MaLcoLM X

What the hell is happening in Egypt ??? and what's wrong with the Egyptians ??? are they finished destroying Egypt and are now turning their attention to destroy each other ?? and in the name of religion ???- Pity my beloved country that was once the beacon of civilization !!!- The great Mustafa Kamel once said "If I were not Egyptian, I would have loved to be Egyptian"- He should have said instead, I would have loved to be a jackass

السلام عليكم

معلش مع احترامى لحضرتك
هى كلمة نصارى دى عيب؟
حاجة وحشة يعنى؟
مثيرة؟ مستفزة؟
اللى بيقولها متخلف و راكن الجمل ورا النقابة و راكن الفيل صف خامس؟
على كدة بقى حضرتك بتقرا القرآن ازاى و هى فيه كذا مرة

و مع احترامى لحضرتك و دفاعك المثير للاعجاب عن ضحايا السلطات
ليه ما اخدتش المبادرة لما ابن الرجل كلمك و ليه رجعت لما الاخ غربية قال لك.
علامة استفهام و لازق فيها عدل علامة تعجب.

و كمان راجع تقول عن كلمة نصارى دا كلام الرجل مش كلامى
هى بقت حرام كمان و ميصحش ان كلمة عيب زى دى تيجى من حضرتك؟

(قلت مصلحة حملة جديدة)
علامات تعجب من غير علامة استفهام

معذرة الرد بعيد عن ابو اسلام
لكننى سأسجل موقفى فى مكان آخر

تحياتى
ابو حماس

كثير من المسيحيين الذين أعرفهم يفضلون أن يسموا مسيحيين بدلا من نصارى، إلا أن هذا لا ينفي أن بعض المسيحيين يسمون أنفسهم نصارى. مررنا سابقا على هذا الموضوع بتفصيل أكبر. إذا كان من أمامك يفضل أن تسميه مسيحيا بدلا من نصرانيا، أو مسلما بدلا من محمديا، أو موحدا بدلا من درزيا، فلم لا؟

مالك فعلا يستحق الاحترام، فمن بين المدونين الذين يعملون للدفاع عن من يختلفون معهم في الرأي، هو أكثرهم حماسا، يا أبا حماس.

اولا كلمة مسيحين او نصارى
دا رأي الدكتور العوا
وانه اكد على اننا يجب ان ننادي المخالفين لنا في الدين كما امر الرسول (ص)بالاسم الذي يحبونه
دا اولا
ثانيا
انتا بتناقض نفسك ليه ؟
يعني جبت في الاخر جملة اني قلت مصلحه حمله جديده لما عرفت ان في حد اتقبض عليه
وبعدين رجعت تقول اني متحركتش الا لما عمرو غربيه قالي
يعني حضرتك اطلعت علىنيتي ؟
اذا كنت من الاول ناوي اني اشتغل عشان الراجل من قبل ما عمرو غربيه يقولي
الفكره حضرتك اننا كنا في مظاهره ومكناش بنتفسح ولا بنقزقز لب
وانا كنت ناوي ان اخد الرقم من البدايه بس بعد المظاهره ماتخلص
بس رأي عمرو كان اننا ناخده دلؤتي عشان ممكن نتوه عن بعض وملاإيش الراجل في الاخر
(ودا فعلا اللي حصل انه ابن الراجل مشى على طول بسرعه عشان جاله خبر اتصال والده)
وبعدين مش عارف بالظبط حضرتك ايه اللي مزعلك .؟؟؟؟
يعني بجد انا مش فاهم
انا واحد مبقولش كلمه نصارى لانها بتضايق مسيحيين ياما
فبوضحش انها مش كلمتي
ومافيش كلمه طلعت من بوقي بتقول انها عيب ولا انها كلمه قبيحه
انا بوضح انها كلام الراجل
عموما عايز تحمل حمله منفصله ك اتفضل
عايز تعمل اللي تعمله اتفضل
دا حقك واللي انا مقدرش اجور عليك

السلام عليكم
الاخ عمرو
لا اخالفك فى ان لو فلان بيحب اناديه يا علان فهذا لا بأس به.
انما لو الله سماه فلان و انا حبيت اسميه علان من باب الحفاظ على مشاعره
فمن باب اولى انى احافظ على رضا الله و لا اسخر من تسميته
بلاش استعمل كلمة ربنا بس بلاش اقول ان اتباع الله راكنين الجمل ورا النقابة.
و ميصحش يكون الله اهون الاتنين علىَ.
و مالك ليس غريبا عنى و لا اكن له الا كل احترام لكن الكلام استفزنى و خصوصا منه و هو ليس من يعذر بجهله.

مالك
معلش يعنى انا لا قلت انى دخلت قلبك و لا ادعيت انى اعرف نواياك مع علمى و لا نزكيك على الله بحسنها.

و كل تعقيبى على كلماتك و ليس على ما فى قلبك.


ربنا يعينك و من معك و توصلو الرسالة للناس. بس من غير ما تزعلنى منك احسن ابلغ امن الدولة يعتقلوك :P

و السلام

من ايهاب صلاح - القاهرة

اسمح لي يا فضيلة الاستاذ / ابو اسلام احمد عبدالله ان اعلق على مقالك بعنوان "ألجموا الكلاب المسعورة" وأرجو ان صدرك يتسع لكلامى:
أولاً : انا مش زعلان من فضيلتك بسبب وصفك للمسيحيين بانهم كلاب, عارف ليه ؟ لانه مكتوب "طوبى لكم اذا طردوكم و عيٌروكم (شتموكم) وقالوا عليكم كل كلمة شريرة من أجلي (كاذبين) ، افرحوا اذاً وتهللوا لأن أجركم عظيم في السموات " فالمسيحي الحقيقي يفرح باهانته لانه مسيحي . ولسبب تانى انا مش زعلان منك, لان مش انت اللي بتتكلم ده ابليس - لان ابليس مش عايز حد يعرف المسيح .
ثانياً : رداً علي جملة فضيلتك : " وما حكم الآخر فيك ؟" فاذا كنت تقصد رأي المسيحيين في الاسلام فاحب اقولك ان مهما كان رأينا في عقيدتك فاحنا مبنحكمش عليك ,وانت تعبد وتصلي بالطريقه اللي تعجبك لان العقيدة يا فضيلة الاستاذ هي علاقة بين نفس الانسان والله ومش من حق اي حد انه يتدخل فيها , لكن من واجبي اني اكلمك عن الفرح اللي انا شفته مثلاً بعد ما عرفت يسوع - من واجبي اقولك ان حياتي اتغيرت وبقيت انسان كويس بعد ماعرفته ودا بدافع محبتي للناس ومش علشان اقضي علي مجتمع مش مؤمن بعقيدتى , ومش معناه اني اعاملك بشكل سييء لانك ماقبلتش كلامى .
ثالثاً : بخصوص العراق وفلسطين والحروب والسياسة - هو انت بتتكلم عن عقيدة ولا عايز تعمل امبراطورية ؟ يعنى انت عايز كل الناس يكونوا مسلمين علشان يدخلوا الجنة ولا علشان تحكم فى الارض وتجمع الاموال ؟ اذا كنت تقصد الاولي فالمفروض انك ما تهتمش بشىء الا تعبدك واقناع الناس بعقيدتك اما اذا كنت عايز الثانية يبقي ما تضحكش علينا وتقول الجهاد لان الله لا يقبل الدماء باسمه اما اذا قلت ان الاسلام يحتم عليك انك تقتل وتحرق باسم الجهاد فدى مصيبة لان كده كل شىء مستباح ,والقتلة والمجرمين وكل من له غرض هيعملوا كل شر باسم الجهاد , وعلشان تطمئن أحب اقولك ان السيد المسيح قال "انتم لستم من هذا العالم" يعني المسيحيين ليس لهم اطماع فى الأرض لانه عيونهم علي مُلك السماء واي حد بيرفع سلاح ليس من المسيحية فى شىء.
رابعاً : بتقول "استثارة اصحاب البلاد ضدهم" - يا فضيلة الاستاذ : المسيحيين هم أصل البلاد و مصر كان اسمها "قبط" وكلمة "قبطى" معناها "مصرى" ووجود المسلمين في مصر جاى عن طريقين اما مع الغزو (قصدى) الفتح الاسلامى او كانوا مسيحيين واسلموا يعنى فضيلتك اما اصلك من شبة الجزيرة العربية او لو بحثت في اسماء اجدادك ستجد "ميخائيل و بطرس" - يعني انت قبطى مسلم, يا فضيلة الاستاذ اقرأ التاريخ قبل تجريح الغير.اما بخصوص كلامك عن الرهبان والراهبات فى الاديرة فخلى بالك انك عايش بسبب صلواتهم وركبهم الساجدة وأى كلام فى حقهم لا يؤثر من قريب او بعيد .
خامساً : زعلان لية على المسلمين اللى بيتنصروا ولية بتقول عليهم من العوام هو انت عندك الايمان القوى محتاج ان الواحد يكون جهبز وفيلسوف فى امور الفقه والشريعة , أحب اقولك ان الله كلامه بسيط علشان يفهمه القليل التعليم والمتوسط التعليم والعالى التعليم , الله مش جايبلنا كلام يعقدنا به والله بيحب الناس الغلابه واللي معلوماتهم قليلة لكن ايمانهم قوى .
سادسا : مافيش مانع ابدا ان اى مسيحى يسلم ومش ح نقطع رقبته لان احنا ما يهمناش عددنا كام , دا بيقول " ما اضيق الباب واكرب الطريق المؤدى الي الحياة الأبدية , وقليلون الذين يُنتخبون " يعنى بيقول اللى هيؤمنوا قليلين , لكن الغريب ان اللى بيدخل فى الاسلام بيختفى (بيروحوا فين ؟) يعنى انا مراتى اسلمت مثلاً بتاخدوها على فين؟؟ ولية كل حالات المسيحيات اللى بتدخل فى الاسلام بتكون بسبب الجوازات , يعنى هو مافيش حالة واحدة عن اقتناع؟؟ احنا ما بنقولش الكل يبقى مسيحى بالعافية ومش هنقطع رقاب الناس لكن لازم اعرف بنتى مثلاً اختفت فين دا يبقى اختطاف , المفروض ان اللى بيلاقى الدين الحقيقى بيبقى عايز يكلم الناس كلها عنه مش تختفى وتقولولنا انها اسلمت !! الموضوع محل شك ...
سابعاً : انا مش هادافع عن كلمه الله اللى انت جرٌحت فيها لان العكس هو الصحيح : الله يدافع عن المؤمنين ومش المؤمنين هم اللى بيدافعوا عن الله زى ما فضيلتك عاوز تعمل .
مع جزيل الشكر للرد البريد الالكتروني : leader85239d@yahoo.com