MaLcoLM X

وقفه احتجاجيه يوم الاحد الواحده ظهرا امام نقابة الصحفيين
(وردني التالي عبر البريد الالكتروني)


اقتراح بوقفة احتجاجية الأحد4-12-2005 الواحدة ظهرا أمام نقابة الصحافيين-كفاية إهانة لعقول و كرامة نساء مصر


يوم السبت26 نوفمبر2005 اتنين رجالة خطفوا الصحفية الشابة "أسماء محمد علي" من أدام مركز تصويت في دايرة شبرا 2 قليوب (شمال القاهرة)، غموا عينيها وخدوها لمكان مجهول ،اتشتمت و اتضربت لحد ما أغمى عليها.
ده بيحصل ف مصر زي ما بيحصل لكتير من الستات في أقسام البوليس و على إيد رجال الشرطة،وزي ما حصل يوم 25 مايو يوم الاستفتا ع الدستور،صحفيات و بنات اتضربوا و اتبهدلوا عيني عينك ف الشارع، و الدنيا كلها شافت صور بناتنا بيتهانوا عن طريق الجرايد و التلفزيونات.
والاسبوع اللي فات برضه: قاضية شجاعة اسمها "نهى الزيني" بعتت رسالة قالت فيها اللي يخلص ضميرها عن التزوير اللي حصل ف انتخابات مجلس الشعب، وبعدها على طول 151 قاضي قدموا شهاداتهم عن التزوير، فبدأت الجرايد الحكومية تلسن عليها، لأ وبدل ما يكرموها على شجاعتها اتعاقبت كمان بإنهم منعوها تنزل مراقبة في الجولة التالتة م الانتخابات.
احنا هنا عشان نعترض على اللي حصل لأسماء و نهى، عشان كل ست مصرية تعيش بكرامتها و تشتغل في مجال تخصصها من غير ما تخاف من بلطجي يضربها، و لا مسئول يفتري عليها، ولا صحافة تهاجم وقفة الحق اللي قامت بيها.

إننا ندعو لهذه الوقفة الإحتجاجية ليشارك بها كل القوى السياسية و الوطنية تدعيما لكرامة نساء مصر، و حفاظا علىحرياتهن، ومين عارف الدور بكرة على مين؟

ندعو الحركة المصرية و الحملة الشعبية و شباب (من أجل التغير )ندعو أمانات الحريات والمرأة بالأحزاب السياسية و النقابات، ندعو منظمات حقوق الانسان خصوصا بتوع حقوق المرأة و تمكينها، ندعو الصحافيين و المحامين، ندعو القوى السياسية و المواطنين للتضامن و تبني هذه الوقفة الإحتجاجية على إهانة كرامة صحافية و قاضية تحملان شرف الكلمة وقول الحق.

موعد الوقفة الاحتجاجية الأحد 4-12-2005 الواحدة ظهرا أمام نقابة الصحافيين لنصف الساعة (صامتة)ثم نقابة المحامين 45 دقيقة ( توزيع البيان للمارة و هتافات موحدة)


يد-تجمع المستقلين المصريين yad_hand@yahoo.com (فقط نقدم هذا الاقتراح ولا نريد سوى أن يتم تبني