« Home | معارضه يا ولاد الكلب » | انا مش عاقل ولا مجنون » | زلزال جانا وفرحنا به بعد غيابه وبقاله زمان » | البيان » | إفتح الميه » | مظاهرة الخميس+اعتصام المرصد الاسلامي الجمعه » | قتل وتشريد واعتصام بالكنائس » | الارابيان+ابن رشد+سودان+عام جديد » | ابو اسلام...الافراج » | ابو اسلام في المنزل+شوية كلام » 

13.1.06 

360 قضاء الله وقدره يا ولاد....

صحيفة الوطن السعوديه
وفي نهاية الحفل أدلى صاحب السمو الملكي الأمير سلطان بن عبدالعزيز بتصريح صحفي أوضح فيه أن ما حدث (اليوم) عند مدخل جسر الجمرات الشرقي هو قضاء الله وقدره وقال سموه أول شيء يجب أن نؤمن بالقضاء والقدر ما أراد الله سبحانه وتعالى لا يرده إنسان لا كبير ولا صغير لأن إرادة الله فوق كل شيء.
وأضاف سموه قائلا الأمر الثاني هدانا الله وإياهم إخواننا الحجاج ينهون عن نقل العفش وأعمالهم وأشغالهم على أكتافهم وقت الرجم .. الذي حصل اليوم الرمي كان على أعلى مستوى وكان مستمرا من الصباح إلى الفجر كل يوم ولم توجد أي مشكلة.
الذي حدث أن أكثر من 12 شخصا كانوا يحملون عفشا كبيرا على ظهورهم فمع الزحام سقطوا في الأرض وسقط بعضهم على بعض وصار يسقط الواحد على الآخر حتى توفي حوالي 300 شخص وأكد سمو الأمير سلطان بن عبدالعزيز أن الدولة لم تدخر وسعا ولا يمكن أن نرد قدر الله . وقال الذي يظن أننا نحن نستطيع أن نرد قضاء الله هذا مغالط ولا بشر يستطيع يرد قدرة الخالق سبحانه وتعالى لكن نتألم ونتأسف لهم ولذويهم ونعزيهم باسم قيادتنا واسم شعبنا كله وما قدر الله كان.
انتهي كلام كلب من كلاب الاسره الداعره السعوديه
بيفكرني بكلام داعر اخر
واحده بتنشر غسيل سقطت شويه ميه على جارتها اللي تحتيها قامت خناقه
للدرجه دي ارواح البشر هينه عندكم ؟
وعشان ايه ؟
ملك فان ؟
ويوم القيامه ؟
عارف يوم القيامه ولا محتاج ارشادات عشان توصل ؟
هو اول مكان المفروض بتوصل بعد قيام الساعه
عارف اي ساعه ؟
لا مش ساعه رولكس من اللي بتجمع منها بالالاف ولا ساعه سويسري تانيه
دا قيام ساعه تاني
اه اكيد عارف اي ساعه ومش محتاج وصف ولا حاجه اكيد علمائك المتسلطنين شرحولك بتوع حلال حلال وحرام حرام على واحده ونص
360 شهيد ان شاء الله واكثر من 200 واحد جريح
قضاء الله ؟
هو قضاء الله بيختار ان اللي يموت فقير ؟
للدرجه دي قضاء الله عندك طبقي وعنصري
ان من الموتى 100 مصري و260 افريقي واسيوي
فقرا وغلابه وحلمهم طول عمرهم انهم يشوفوا مكه والمدينه ؟
يرجعوا شايلين مية زمزم للتعبان والمديون واللي عايز يجوز بنته العانس ولا ابنه اللي عدى الـ40 ؟
هوا دا قضاء ربنا ؟
ربنا عندك للدرجه دي ظالم ؟
مبيموتش غير الفقير والاسود ؟
ربنا عندك رجل تاجر غني
زي خاشقجي وامثال بيتاجر في ارواح الناس ويقتل الفقير منهم والاسود
قضاء ربنا يا امير يا سلالة دم اعرابي جاهل منافق
للدرجه دي ظالم
مموتش حد من الاغنيا واتشطر على الفقرا
اللي موراهمش حكومه تتدعمهم ولا اموال تسندهم
بس الفقرا اللي ماتوا
اللي مش حيشتكوا
اللي حيقولوا يا سلام يا بخت اللي مات في الارض الطاهر ه الطيبه
يارب نكون زيهم
دا منتهى امالهم وعند وكلابك عارفين كدا
يموت دحسا بالاقدام
ماهو خلاص قضاء ربنا ان الجهله والفقرا والملونيين
يموتوا
لا راد لقضاء الهك
لا راد لقضاء الهك
اما الهي واله قومي
فلا اعتقد يوما ان يكون ذلك قضائه
اللهم ارحم من مات في منى واربط على قلوب ابنائهم واحبابهم وانتقم من ظالميهم وقاتليهم
اللهم انت الجبار فارهم جبروتك وانت المنتقم فارهم انتقامك
اللهم لا معز سواك ولامذل غيرك
فاعز من مات واذل من قتلهم
مش عارف اقول ايه
حاسس اني بقيت زي الولايا عاجز
عاجز

للدرجه دي ارواح البشر هينه عندكم


مش ارواح البشر
عقولهم حضرتك
كل واحد بيطلعلك بتفسير مايقنعش طفل و مستني من حضرتك و حضرتي نصدقه خصوصا انه ارهبك قبل ما يقول التفسير بكلمة "من ظن اننا نستطيع رد القضاء"و طبعا ممنوع علينا ننطق بعد الكلمة دي و الا.....

المتوفين و الجرحى انا ماعنديش معلومات عنهم تخليني احكم انهم غلابة و فقراء زي مابتقول ولا لأ , و بصراحة مش فارقة معايا لان فقراء ولا مش فقراء لا يستحقون ماحدث

كان اكرم له بالنسبة لي يطلع يعترف بالخطا و يعتذر من اسر المتوفين و المصابين و يتعهد بعدم تكراره
والله كنت احترمته حتى لو ماقتنعتش بالاعتذار وحده

لن أدخل في حوارا حول العائلة المالكة في السعودية
و لكن أري جذور المشكلة في تخلف جماعي عند المسلمين عامتهم و علمائهم و حكامهم

الحج تحول لوثنية صريحة
و اصبح لدي العامة اشبه بصك غفران

و علماء الدين معظمهم حفظة متون و كتبة هوامش
و حالهم ليس افضل من حال العامة كثيرا

أفضل ما سمعت جول الموضوع ضرورة تقييد عدد الحجاج
بعد دراسة العدد الذي يمكنه اداء الشعائر بأمان و في ظروف آدمية
يتم تحديد هذا العدد بشكل صارم
و من لم يصبه الدور فهو ببساطة ليس ممن استطاع الي البيت سبيلا

الفكرة دلوقتى إن كل سنة بيحصل حادثة مشابهة، و فى كل حج ضحايا أموات و مصابين، و كل سنة يقولوا مش هتتكرر و السنة دى عاملين إحتياطتنا و و و
إيه التهريج دة
دة بقى أصلاً خلاص مُتوقع دايما إنه يحصل حاجة كل سنة

اللي حيقولوا يا سلام يا بخت اللي مات في الارض الطاهر ه الطيبه
يارب نكون زيهم


والله الناس عندى بيقولوا كلام قريب كده من نفس المعنى، وانا ماسكة لسانى ومش عايزة ادخل فى مناقشة بايخة

انا بس حاولت اقول الكلام دا حصل قبل كده والسعودية مسئولة عن الحكاية دى، ماخلصتش من الكلمتين بتوع دا قضاء ربنا، والسعودية عملت اللى تقدر عليه، ويا بخت اللى مات هناك.. شهيد وميت بعد ما اتولد من جديد من غير ذنب واحد
وطبعا لميت الدور، بعد ما حسيت انه نفس التفكير بتاع الدولة اللى عملت اللى تقدر عليه مع السودانيين وان موت ناس منهم كان قضاء وقدر وغصب عن البلد

The definition of intelligence is very simple... ability to learn from mistakes.. an animal that gets hit by a car crossing the road wont learn the lesson, but an "intelligent" human would... Ummmm how many times was that repeated with the Saudi's ???- Once more for the dummies...!!
And they call their king the custodian of ... what???

راس الحاج بكام ريال ؟
وبيجيب معاه كام ويصرف في الحج؟
الموضوع بزنس او بأة بزنس

انا شخصيا مع عدم زيادة عدد الحجاج الي الابد
لو المرافق تشيل مليونين ..يسمحوا لمليون وبس وخلصت علي كدة
خلي الناس تحج وتحس بيه ..مش تبقي الناس خايفة ينداس عليها وتموت؟

يا سيدي لو كان امير اللي بيحج..كان عملوله طواف لوحده وكان رمي حجارة العقبة من الهلكوبتر الشخصية بتاعته وبلاش زحمة خالص

حاجة تفلق


بلو
عقول ايه ؟
عارفه الواحد بطل من زمان انه يعتقد ان في اي احترام للعقل البشري في المنطقه العربيه ككل
بس كنت فاكر ان مكان مقدس زي دا حرمة الانسان فيه عاليه
هي حرمة الانسان واحده في الاسلام ومقدسه والرسول (ص)قال كدا بنفسه في خطبة الوداع
كحرمة يومكم هذا
بس منتظرتش ان يكون اللامبالاه بالشكل دا وخصوصا ان الموسم دا شهد كارثه في بدايته في انهيار المبنى في مكه
بس مش كدا ابدا يعني
عمرو
وتعتقد ان التحديد بشكل صارم دا حيمشي على الكل ؟
على الغني والفقير سواءا
طبعا مستحيل
مع ان يا اخي سبحان الله مغزى الحج الاساسي هو احساس كل البشر بالعبوديه لله والمساواه التامه بينهم لما يكونوا كلهم على قدم المساواه
معلش نسيت المغزى داا بتاع الله مش بتاع البشر
ايمان
متوقع اه
بس هو الدم اللي سال دا في بقعه مقدسه بأه ميه ؟

اللى حصل دة بيحصل فى كل بلد بصورة او بأخر .. مصر - العراق- فلسطين .... وانتوا عارفين الباقى .. يمكن صدمتنا انه فى ارض طاهرة ومكان مقدس ووقت بنستناه من السنة للسنة واللى نفسه يحج بتبقى هى دى غاية امله فى الحياة ... المشكلة ان احنا بقينا غنم .. متساق بادين راعى اعمى
لو الغنم سكتوا الراعى هايفضل ماشى بيهم وكل اما يجوع ياكل حبة منهم ومايهموش اللى بيقع فى السكة
الشكلة ان الغنم ساكت ولما يقع واحد كل اللى بيعمله انه بيقول يا حرام ويتحسر


ساره
الفكره ان اللي حصل دا بيحصل كل سنه على مدار العشر سنين اللي فاتت
وكل مره نفس التصريحات
قبل كدا مكناش بنعرف الخبر بنفس وضوحه دلؤتي
بس ايا كان
مش معقول بتحصل نفس الحوادث كل سنه وفي نفس المكان وفي الاخر تقولي قضاء وقدر
الا بأه ان كان ربنا بالنسبه لك كيان فاضي عمال يصطاد الناس كل سنه في منى
ولا كاره جدا للمنطقه دي فعشان كدا بيقتل في الناس
منها تسليه ومنها شهاده ومنها قرابين
بزمتك يعني اقول ايه ؟

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي