« Home | الاسلام هو الاخوان » | سبعه سبعه سبعه سبعه سبعه سبعه يا سبعه » | عبد الكريم....أسدل الستار » | اليوم الاخير...افرج عن كريمbgd » | اليوم السابع » | اليومين الخامس والسادس...التحرك من اجل كريم ...لاش... » | تحرك اليوم الرابع من اجل حرية كريم » | تحرك اليوم الثالث...يوم عقيم » | تحرك اليوم الثاني من اجل حرية كريم » | تحرك اول يوم من اجل حرية كريم » 

24.11.05 

الحزب الوثني الديمقراطي-اجتماع المدونين

اجتماع المدونيين
ان شاء الرحمن اجتماع مدونين حيكون يوم الاربعاء القادم الموافق 30نوفمبر ان شاء الله في المركز الدولي للدراسات الكائن في 51 شارع القصر العيني القاهره
وسيكون هذا الاجتماع لدراسة جدوى تأسيس لجنه او مجموعة عمل للدفاع عن نشطاء الانترنت والمدونيين وحرية الرأي عامه مثال على ذلك قضية عبد الكريم سليمان

لممن خارج القاهره الوصول الى المكان بركوب مترو الانفاق خط حلون والنزول في محطة مترو السيده زينب والخروج من الباب المواجه لمستشفى ابو الريش اسلك الشارع المواجه للمحطة لحوالي 150 متر او يزيد قليلا او اسئل اي محل اين شارع القصر العيني وتحديدا 51
ان جابهت اي شخص اي مشاكل او يريد ان يستعلم عن اي شئ
الرجاء الاتصال بي على الرقم
0121340370
مالك مصطفى
____________________________________
الحزب الوثني الديمقراطي
للشاعر عبد الرحمن يوسف
حمل هنا


الكلمات

الحزب الوثني الديمقراطي
الحزب الوثني الديمقراطي
دايما عالي عالي مقامه
لكن سلوكه دايما واطي
* * *
الحزب الوثني عديم الذوق
يلعب تمللي ف الصندوق
بيسجنني وانا المسروق
وان قلت لأ أبات مشنوق
أو اعيش وانا حالق شنباتي
* * *
الحزب الوثني كلام ف كلام
مشروعه عبادة الأصنام
متعهد حفلات حكام
بيسوقنا زي الأغنام
وريحته أسوأ من شراباتي
* * *
الحزب الوثني ف كل مكان
من مراكش لباكستان
وعنيه ف كفاية والإخوان
مرة دخلت البيت نعسان
لقيته قاعد ويا مراتي
* * *
الحزب الوثني قليل الدين
محتلنا زي فلسطين
خلى عيشتنا زي الطين
وجنوده داخلين حطين
ساعة ما يواجهوا مظاهراتي
* * *
الحزب الوثني جمل وهلال
يكسب برجال الأعمال
نحاوره يدخل فينا شمال
وسرقة الصوت عنده حلال
من أحيائي ومن أمواتي

موقع الرسمي للشاعر عبد الرحمن يوسف

ليه يا مالك كدة بس؟؟؟ :((((((((((
المكان اللى فى شارع النزهة كان أحسن كتير
:(

مالك .. الميعاد الساعه كام ؟ خمسه كويس؟؟


ايمان
ماهو الجمعيه اللي شارع النزهه مش بايديا على طول
لازم ابلغ قبليها باسبوعين عشان مجلس الاداره يوافق دا غير ان الجمعيه مش حيكون في حاجه فيها متاحه
فمش بكيفي

وبعد كان في اعتراض المره اللي فات ان الجمعيه بعيده عن البلد وانها مسافه كبيره وكدا المره دي المكان قريب
هيثم
اه الساعه خمسه ...هو مش انا قلتلك في التليفون؟؟؟

ماشى يا سيدى
بس 5 دة مش بدرى؟
الناس اللى بتشتغل مش هتقدر توصل قبل 7


بردو والله مش بايدي
انا مش فارق معايا التوقيت بس في ناس بتسافر زي بنت مصريه
فلازم الميعاد يكون بدري شويه بالنسبه لهم عشان يقدرو يجوا ويروحوا
ممكن يكون بين البنين يعني
لا 5 ولا سبعه
سته يكون كويس
بس بجد مش حقدر أأخره بعد كدا والله
مجبر اخاك لا بصل

خلاص ربنا يسهل الأمور

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي