« Home | وقفه بالملابس السوداء احياءا لذكرى الاربعين » | لمن تنصب المشانق ؟ » | سئ » | ابواسلام2 » | ابو اسلام » | دعوه لانشاء مكتبة--الوقفه الاحتجاجيه امام نقابة ال... » | صور لمجاعة النيجر » | -وقفه احتجاجيه يوم الاحد » | تأجيل الاجتماع او الغائه » | عندما صوتت الملائكه لصالح الاخوان » 

20.12.05 

الافراج عن ابو اسلام+محصلة يوم خنيق

تم اليوم في حوالي الساعه الثالثه والنصف اخلاء سبيل الاستاذ احمد عبد الله ابو اسلام
وسيكون في بيته يوم الاربعاء القادم
كما ابلغني ابنه اسلام في اتصال هاتفي معه اليوم
سنقوم بزيارة له بمشيئة الرحمن يوم الاربعاء
الحمدلله
______
المظاهره
المظاهره كانت ناجحه بكل المقاييس رغم ان العدد لم يتجاوز الخمسة عشر
لكن التف حولها الكثير من الماره حتى ان بعضهم حمل يافتات المظاهره تطوعا منهم
ليصل عدد المتظاهرين بسبب الماره الى اكثر من 200 شخص
الحمدلله ايضا
تذكره مره اخرى لما كانت المظاهره
كانت بسبب توافق الذكرى الاربعين لاول شهيد في الانتخابات المصريه التي توافقت مع القاء حسني مبارك لخطابه في البرلمان
وسقط في هذه الانتخابات ما بين 13 الى15شهيدا
قامت بتنظيم المظاهره
مجموعة يد
وهي تجمع يضم مجموعة من المستقلين المصريين
______
كان في ندوه عن التدوين في التاون هاوس
الشخصيه المفروض كونها مدون معروف حقيقة لم اكن اعرفه بالمره
الندوه كانت باللغه الانجليزيه بناءا على طلب المحاضره وهي للاسف مصريه
قعدت ترغي ياما عن حاجات مالهاش علاقه بحاجه واعتقد انها منفصله قليلا عن الواقع او فرحانه باللغه الانجليزي بتاعها اللي انا من البهايم اللي كنت مخنوق منها
قالت كلام وردي عن تأثير المدونيين في الشارع قام اخونا علاء وصحح لها احلام اليقظه شويتين
استمرت الندوه من خنيقه لاكثر خنقه
الى ان قامت سيده واحتجت على اللغه الانجليزيه وقالت حتى لو كان الدافع وجود اجانب في الندوه لكننا في مصر ولو حدثت هذه الندوه في فرنسا مثلا لن تسمعهم يتحدثون بالعربيه من اجل وجود اجانب عرب
صفق كثير من المدونيين لها تصفيق حار اثار استياء منظم الندوه
بعدين اتقال كلام ياما
وبس اتخنقت من الاخر
دا محصلة اليوم

وهو صحته كويسة وبخير؟

الحمد لله ان انا ماجتش
علشان انا كذا مرة اتخنق من موضوع الانجليزي ده في التاون هاوس
ده تقريبا مرض عندهم و العياذ بالله

بس علشان الانصاف مرة اعترضت فجابولي مترجمة فورية ليا لوحدي


رامي
لحد الان الراجل مطلعش
هو اخد اخلاء سبيل فقط
ولسه حيترحل من النيابيه لـ لاظوغلي للقسم بتاعه
حنحاول نقابله يوم الاربعاء بس ابنه لما كلمته النهارده تاني شكله مش متفائل اوي بخروجه الاربعاء حاسس انهم ممكن يمطوحوا فيه لحد السبت ولا حاجه
ربنا كريم
عمرو
لا ياسيدي مش موضوع مترجم
كانت فيه مترجمه
(استلمت ودن يحي مجاهد مسابتهوش مع ان الراجل مطلبش بس هيامصدقت يعني )
بس الفكره
اننا دوله عربيه ولغتنا الاولى عربيه في كل الاحوال
واغلبية المدونات كمان الموجوده في مصر او الوطن العربي عموما باللغه العربيه
فالمفروض احتراما لدا كله انهم يعملوها بلغة اهل البلد مش بلغة الخواجه
في ناس قالت ان المصطلحات التقنيه مالهاش تعريب
حتى وان سلمنا بدا
ممكن تكون الجمله كلها عربي ويكون المصطلح التقني بالانجليزي
بعدين الندوه كانت عن التدوين ومستقبله
وكان فيها جزء تقني عن انظمة المصادر المفتوحه

بس كانت في الاساس عن التدوين
ماعلينا
ربنا يوفقك في امتحاناتك ويوفقنا معاك يا عمنا

الاغنية عجباني قوي
مين دي اللي بتغني؟

كل خنقة وانت طيب

فعلا كان خنقة خالص الدنيا في القاهرة كانت زحمة غير معقولة وكان فيه ناس طويلة وبتخبط في السماء


ابن مصر اللي بتغني اسمها عايدة الايوبي
والاغنيه اسمها عصفور
بنت مصرية
ونتي طيبه يا ستي
وان شاء الله نشاركك في خنقتنا اللي جايه
الانونيموس
مش عارف في اغنيه لمنيب بتقول
صدقني يا صاحبي ان خفت متقولش وان قلت متخافش
داخلين ليه بالانونيموس ومتخبيين تحته
العالم القصيره اللي مش باينه من تحت الارض معروفين كويس
ودا قصر ديل يا قصير

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي