« Home | ابو اسلام...الافراج » | ابو اسلام في المنزل+شوية كلام » | الافراج عن ابو اسلام+محصلة يوم خنيق » | وقفه بالملابس السوداء احياءا لذكرى الاربعين » | لمن تنصب المشانق ؟ » | سئ » | ابواسلام2 » | ابو اسلام » | دعوه لانشاء مكتبة--الوقفه الاحتجاجيه امام نقابة ال... » | صور لمجاعة النيجر » 

31.12.05 

الارابيان+ابن رشد+سودان+عام جديد

فضلت مستني فتره كبيره عشان اعرف انزل نسخة الارابيان ولمن لا يعلم الارابيان هو نظام تشغيل عربي مبني على توزيعة لينكس تدعى دبيان
(مزيد من الدقه مبني على الكنوبيكس المبني على الدبيان)

واخيرا نزل الارابيان بس للاسف الشديد نزل الارابيان وكابينة التليفون اللي انا عليها ضربت
لا منها نت ولا منها تنزيل حاجه على الجهاز
بعد اسبوع اشتغل خط التليفون وبعديها بتلات تيام اشتغل adsl
وخلاص بأه حنزل الارابيان ونشتغل بيه
بصراحه
نظام في منتهى السهوله واليسر
في اعداداته المبدأيه
وتهيئة الجهاز وانتهاءا
باستخدامه كنظام تشغيل
حتىالوقت اللي اخذه في الاعداد ميجيش ربع سرعة اسرع نظام اشتغلت علي قبل كدا وهو الابنتو وهوا مبني بردو على نفس التوزيعه دبيان
واجهته للاسف كي دي إي ممكن عشان انا زبون للاخت جنوممستريحتش اول ما شوفتش ال كي دي اي
بس عدم الراحه دا راح بعد ماشفتش السرعه الرائعه للنظام
وكمية البرامج اللي حتغني عن عمل تحديث كل شويه للنظام وتحميل برامج ناقصه
من النهايه
الارابيان شرفني انا شخصيا كونه نظام عربي وحاز على رضائي الكامل (لحد الان)
شكر شديد للاخ مسلم اللي بنى التوزيعه دي
انصح بيها لاي انسان بيفكر يحول من ميكروزفت الى لينكس
لتحميل الارابيان

http://arabian.arabicos.com/download.htm
________
ابن رشد
احب ذلك الفليسوف الفقيه العالم المفوه كثيرا
واكره يوسف شاهين ونور الشريف اكثر واكثر عندما اتذكر فيلمهم الهابط عنه
اتى السؤال في الامتحان
اعرض لاراء ابن رشد في القضايا التي اشترك فيها مع علماء الكلام
اخترت ان اتكلم(او كنت مبيت النيه على ذلك)عن ثلاث اشياء
اثبات وجود الله
نفي الصفات التي يجب تنزيه الله عنها
اثبات وحدانية الله
اثبتنا الله تعالى كما قال ابن رشد
ونزهناه عن النقائص
والتي من اهمها الغيره والنوم والموت الخ
(الغيره من لدي لكي اصل لما بعده)
ووصلنا الى التوحيد
كان مثال ابن رشد في التوحيد هو انه لو فرضنا وجود ملكين في مدينه واحده فسيتنازعان عليها وتخرب المدينه
والمفترض ان هذا المثال جامع مانع شامل
لكنه نقيصه في حد ذاتها للامام ابن رشد
فنحن مسبقا قد نفينا عن الله صفات ونقائص البشر
اي ان الله لا يشترك مع الانسان لا في الغيره ولا الحسد ولا الحقد ولا غيرهم
فان كان الله كذلك
فان وجد معه اله اخر لا يمتلك هذه النقائص
فلن تحدث حروب بينهما او خرائب او ماشابه
لانهم سيجمعوا الحكمه والعلم والرويه والصبر والرحمه كما يجمعها الله تعالى الان
فالمثال السابق فاسد تماما لانه غير منطقي
السؤال كان المطلوب التوحيد
وانا انهيته بالاشراك
لكن استدركت واثبت الوحدانيه بالسلسله الغذائيه
يلا الله يرحمنا في الاسلاميه
_________
سودان
اتفاقية جنيف خالفوها السودانيين
كما قال الكاتب في الاهرام او الجمهوريه كما اخبرني صديقي على الهاتف
(قعدت مبلم شويتين مستحمر نفسي تلات شويات ومكسوف اسئل صاحبي هو في اتفاقية جنيف للاجئين غير اتفاقية الاسرى ؟)
المهم صديقي انجدني من جهلي وقال انه زيي ميعرفش حاجه زي كدا
امن الدوله المباركيه قتل تلاته (الى الان)وفتح خراطيم الميه على اطفال ونساء وشيوخ في عز البرد
ناس ماتت
وامن الدوله في تصريحاته قال انه صبر عليهم كفايه
صحيح انتوا عالم معندكوش دم صحيح
يعني سايبين السودان وجايين عندنا؟
هو امن الدوله حيستحمل المواطنين ولاد الكلب بتوع دولته ولا مواطنين دوله ولاد كلب بردو جواها تانيين
دا احنا شعب فرعون مينفعش معانا غير امن الدوله
جايين السودانيين كمان ويزودوا هم وغم وتعب والم اسيادنا في امن الدوله
الهتنا في امن الدوله
المغفره المغفره
لم يكونوايعلمون
لم يكونوا يعلمون
________
2006
في حدوته سمعتها زمان وسمعتها في الطوق والاسوره
ان مافيش طاحونه بتدور الا لازم تتزفر بالدم البشري
اعتقد ان الامر كمان يمشي على 2006
لازم الاعوام تتزفر بالدم عشان تمشي
اهلا عام جديد

مش عارفة يا مالك
موضوع السودانيين تحديدا الحكم فيه بيخيتلف تماما لما تسمع القصة ممن راوها راي العين
و ممن عاشوا الجحيم بسببهم 3 شهور

عاشوا الجحيم بسببهم؟

عاشوا الجحيم؟

أحا عى الناس اللي عايشة في الهنا و بتتكلم عن الجحيم

يا مالك طول ما بلوروز و امثالها موجودين مش هنحتاج أمن دولة أصلا، بيقولك الموضوع يختلف و الخمسين اللي اتقتلوا يستحقوا عشان أصل الناس عاشت الجحيم يا عيني.

كتبت ردي بالكامل في مدونتي يا مالك لانه طويل

علاء
الحياة طبعا هتبقى افضل لو كل الناس رايها نفس رايك و ياسلام لو اختفى الاخر
لكن مع الاسف يوجد اخر يحمل راي مختلف زي انا و امثالي من مضطر حضرتك تستحمل وجوده معاك في الحياة

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي