تذكرة برمضان الأصلي
تذكير كل سنة, وربنا ما يقطع لنا عادة أغلب المسلمين متفقين على ميعاد رمضان, بس في أقلية ضعيفة, بتشوف أن ميعاد رمضان مختلف, وححط زي كل سنة رابط مجموعتين بيفندوا أدلتهم (وإن كانت واحدة تقريبا), وبيثبتوا بدرجة تقريبيه ميعاد رمضان (بين نهايات أغسطس وبدايات أكتوبر) مجموعة منهم (اللي قلبي هداني لإتباع تقويمها) رمضان عندهم حيبدأ مع الهلال القادم(13-9-2026) أحب إن الناس تحاول تصومه, ولو قريت الحجج اللي في الروابط وما أقتنعتش, فبدعوك برضه لمحاولة صيام أيام منه, وأعتبرها قربى لله سبحانه وتعالى. الملاحظة الوحيدة اللي أحب أنبه عليها, إن الصيام بيكون مع الفجر الحقيقي,بعد آذان الفجر بـ30 دقيقة-ل40 دقيقة"….حتى يتبين لكم الخيط الأبيض من الخيط الأسود من الفجر..." والإفطار بعد آذان المغرب بـ 25 دقيقة "….ثم أتموا الصيام إلى الليل…." كنت حابب أكتب أكتر الصراحة, بس بقالي شوية ماعنديش قدرة أوي على الكتابة, ف حتلاقوا في الرابطين التاليين كل المعلومات, لو حابب تعمل ده. المجموعة اللي بتبع تقويمها (ماعلش لازم تشترك فيها عشان تشوف محتواها) https://www.facebook.com/groups/551958108844304?ref=p...