« Home | ثلاثية سبارتكوس » | الجزيره والرب الامريكي الجديد » | اكثر خطبة مقربه لقلبي من خطب مالكوم » | مالكوم اكس-MaLcoLM X » | نبذه قصيره عن شئ ما » | الشيعه سرد تاريخي-الامامه-الحلقه الاخيره » | الشيعه سرد تاريخي-الامامه3 » | الشيعه سرد تاريخي..تابع الامامه » | الشيعه سرد تاريخي(الإمامه » | الشيعه سرد تاريخي...الثوار الثلاثه » 

29.8.05 

لما اتكلمت ام علي لولي لولي لولي لوووول


قاعد لا بيا ولا عليا والله ولا بعمل حاجه وعامل المسينجر اوف لاين ومأنتخ ع الكنبه وشغال اكل (مش عارف ربنا حيتوب علينا امتى من الفجعه اللي احنا فيها دي ) كنت بتفرج على كلاسيك كارتون وجت اعلانات سبيس تون فبقلب لقيت واحده حاطه مكياج كامل ومكتوب على اسمها ام علي ... بائعة جرائد
ودي مقتطفات من الست ام علي قالتلها
الناس اللي بتطلع في المظاهرات دول اللي بيقولوا كفايه ومش كفايه وعايزين يعدلوا الماده 76 من الدستور لا بيفهموا في السياسه ولا حاجه وكل همهم انهم يسرقوا وينهبوا ويقفشوا في النسوان ...(معلش جورج اسحاق راجل همه انه يطلع الكبت العاطفي عنده على النسوان اللي في المظاهرات وقنديل يمسح راسه في مناخير الحريم معلش ناس مكبوته بأه يا ام علي )
قعدوا يقولوا على الريس لما يجيله ضيف بيزنق البلد ويخنقها الراجل راح شرم الشيخ بردو مش عاجبهم وقعدوا يقولوا ساب البلد وراح شرم الشيخ يعني الراجل يعمل ايه ؟.....(ميعملش حاجه ماهي بلد ابوهم يا ام علي )
انا بقالي كام سنه ببيع جرائد شوفي كدا في عهده كام جريده معارضه
الاسبوع صوت الامه الميدان النبأ الانباء الدوليه الحادثه حديث المدينه(الميدان والنبأ والانباء والحادثه وحديث المدينه بيعارضوا الحكم بصدور الحريم اللي ع الغلاف صحيح معارضه صحيه جدا )
الريس دا يعملنا ايه اكتر من كدا ؟ عملنا كباري وعملنا انفاق مترو الانفاق دا شويه ؟( لا بس والنبي يا ام علي ربنا يكرمك يارب ويكرم رئيس المجاري والكباري ومترو الانفاق)
بصي ع البلطجيه كدا ؟ مافيش بلطجيه يفرضوا اتاوات ولا غصب ولا حاجه (صح مافيش اتاوات خالص يا ام علي الامن مستتب )
بيضربوا الشرطه ويضربوا البوليس هما مش دول اخواتنا وبيحموا الشارع ؟
(ياعيني وانابقول ظابط البوليس لما بيشوفني بيحط راسه في الارض ليه منا اللي بنعمله فيهم كاسرين عينهم وحوووووووش احنا )
يركبوا الاتوبس يقطعوا فيه ويقولولك الذكرى الخالده يعني كدا الاتوبيسات لما تخرب يقولوا الحكومه ؟ هي الحكومه ولا الحزب الوطني هما اللي عملوا دا ؟
(صح احنا ولاد كلب مخربين احنا شعب جاهل ميستحقش انه يعيش تحت الرعايه الالهيه لمولانا المقدس كورسي موبارك احنا شعب وسخ وسخ ربنا يخلي بتوع الوطني )
الست مراته ست نسمه ست نسميه اوي شوفي كدا شلل الاطفال شايفه كدا شلل الاطفال في البلد قل ازاي
(مافيش سرطان ولا عجز جنسي ولا دعاره ولا امراض صدر ولا فيرس س ولا اي حاجه يا ام علي انا قلتلك احنا شعب فراعنه شعب نمرود ابن كلب )
مصر شبابها الطيب مصر المذكوره في القرءان (شبابها الطيب اللي لا بيتفرج على ميلودي ولا مزيكا وهاري نفسه رسائل قصيره ولا تاعب نفسه في السنكحه مع الحريم ولا بيضرب مخدرات ولا بينحرف فكريا ولا بيعمل جمعيات لحماية حقوق الشواذ(في جمعيه حتتعمل في مصر قريبا او اتعملت فعلا امبارح لكدا ) يا ام علي احنا لاتجوز علينا الرحمه احنا شعب ميستاهلش الكورسي موبارك قدس الله سوته )
دا كلامها بدون اي تحريف ممكن عشان انا ناقل الكلام سماعي ممكن يكون فيه شوية لخبطه بس زي ما اتقال انا محضرتش الكلام من اوله معلش اصل سبيس تون كانت حاكمه بس ماعلينا
مش عارف هل الكلام دا عليه تعليق ؟
او هل يحاسب الذي يقول مثل هذا الكلام على اساس انه انسان عاقل وواعي وشريف ؟
منطق مغلوط اصبح فيه الشريف فاسد والفاسد شريف والناس بتصدق
انا اتخنقت
سلام

الصبر ....كلنا طهقانين
الشغل حيبدا صح المرة دي
لغة جديدة
تون جديد
بقوة
بدون مهادنةولا هوادة
ثقافة الاف السنين بتقاوم مش عاوزة تتغير

وستتغير

الله كريم الامل موجود

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي