لغبطة
انعدام الاتجاهات يا ترى دي مشكله فعلا ؟
معلش السؤال دا مش لاقيله اجابه عليه
الاتجاهات السياسيه الموجوده على الارض هل هي فعلا اتجاهات حقيقيه ؟ هل لها دور فعلا ؟ هل تتميز عن بعض بحاجه واقعيه ؟
الازمه اللي انا مش فاهمها نهائيا ان اغلبية التيارات الموجوده عندنا منشأها مش مصري وفي النهايه بتجيلنا ناخدها زي ماهيا
ودا في كل حاجه الليبراليه العلمانيه اليساريه الرأسماليه حتى التيار الديني مكنش لنا فيه اختيارات
كل اتجاه من الاتجاهات السابقه بيؤخذ عندنا في مصر كما هو من غير اي فكره لتمصيره او جعله ملائم حتى لينا
ياما اوي بتصدمني تعبيرات الليبراليه الشائكه بالنسبه
ووتصدمني اكتر ظلامية من يدعون انه اسلاميين
وتخليني حاسس اني في دنيا تانيه كلمات القوميين
واحس باحلام طوباوييه وكوارث فكريه من اليساريه
تعبت في النهايه جدا مش لاقي للاسف اي فكره تنفع عندنا وكل اتجاه يحمل اظلامات سنين طويله من القهر ويتحدث بنفس منطق الباقي
نحن الحق والحق نحن
وعند الاسلاميين
نحن الدين والدين نحن
الكل يحمل مشعل الحق والحريه والباقي مخطئ صحيح يمكن ان تجد احترام بينهم لكنه احترام مبني على ان الباقي مخطأ وتيار واحد هو فقط الصحيح
للاسف لا ارى اي تيار فيهم قدم لهذا الوطن فكر واضح او محدد او كان لها دور في يوم من الايام في الحياه السياسيه بدون شوائب
سنجد اخواننا الناصريين يهتفون بحياة ناصر
(عليا النعمه بحبه اكتر من اي شخص تاني ) بس في النهايه ناصر كانت له اخطائه القاتله مهما كانت طيبته او كاريزميتيه او وطنيتيه لكنه في النهايه قاتل الحريه في وطننا في تاريخنا الحديث
علم كل شعوب الارض الحريه ونسى شعبه (زي القرع يمد لبرا)
صحيح اخواننا القوميين ناضلوا كثيرا جدا في فترة المأفون السادات لكن في النهايه تبقى كلماتهم مجرد كلمات لا معاده ومكرره
وشعارهم الاسمى نحن التجربه الوحيده التي مورست على الارض ومن ثم تحولت لايدولجيه
وهذه من اشد الكلمات لا ادري ما وصفها او بما اتحدث عنها كأن ناصر اتى بما لم يأت به احد قبله من العالمين وكأن تجربته لم تطبق في كل دول العالم اللي كانت تحت سيطرة القوميين في كل مكان باختلافات درجة العنصريه
وبعد الناصريين ياتي اخواننا الاسلاميين
وقدسية النصوص لديهم وقدسية الكلمات وانطلاق القدسيه من القرءان الى الاحاديث الى افعال السلف الى مقولات الخلف نهاية بكل رجال التاريخ الذين يأدلجون او حتى يحسبوا على هذا التيار
والبكاء المتواصل على تاريخ طويل من خلافة المسلمين(لدي تحفظ شديد على كلمة خلافه اسلاميه لانها لم تدم الا من عهد ابي بكر الى عهد علي عليه السلام)رغم الانحرافات السياسيه الطويله في هذا التاريخ رغم مدى التجبر والظلم الذي كان يعانيه كل المخالفين سياسيا او عقائديا او مذهبيا في تلك الايام
مشكلة الاسلاميين الازليه هو اسقاط ماضي مشكوك في جنباته بصورة مشرفه على حاضر مظلم اظلام القبر
وبعدهم يأتي الليبراليين والعلمانيين واليساريين
حسنا ماذا اريد ؟
حقيقة ؟ لا اعرف ماذا اريد كانت مجرد كلمات داخلي اردت اخراجها فقط
ممكن ارجع واكتب حاجه عدله بس حالة التخبط اللي انا عايش فيها دي ما تبعد عني شويه وممكن ارجع اكتب حاجه مفيده
