لما اتكلمت ام علي .... رد
كان في رد وصلني على منتدى كنت حطيت فيه الموضوع دا
وكان الرد
اكيد الناس دي عندها انتماء وطني ناس مخلصة للريس بتاعهاوهو ده الي امرنا بيه اسلامنا
وكان كلامي
انتي بتقولي ان اسلامنا بيقول كدا ؟طيب يا ستي اسلامنا بيقول خير الجهاد قول كلمة حق امام سلطان جائر اسلامنا بيقول سيكون عليكم امراء مضلون يقضون لانفسهم مالايقضونه لكم ان اطعتموهم اضلوكم وان عصيتموهم قتلوكم قالوا وماذا نفعل يا رسول الله ؟ قال تفعلون كما فعل اصحاب عيسى تنشرون على المناشير وتحملون على الخشب فـ والله لموت في طاعة الله خير من حياته في معصيته اسلامنا بيقول اننا نرفض الظلم ونزعق باعلى صوت لينا بكلمة لا اسلامنا بيقولنا ان الساكت عن الحق شيطان اخرس اسلامنا بيقولنا سيد الشهدا حمزه ورجل قام الى سلطان جائر فامره ونهاه ... فقتله اسلامنا بيقول اتقوا النار ولو بشق تمره اسلامنا بيقول من رأى منكم منكراالخ الحديث كل سنه بيموت اكتر من3 تلاف طفل مصري بامراض مختلفه على رأسها الالتهاب الكبدي الوبائي والسرطان كل سنه بيموت 6 الاف مصري بالسرطان مافيش احصائيه محدده للي ماتوا من الفشل الكلوي بس اكاد اجزم ان في كل عماره فيكي يا مصر وفي كل شارع ع الاقل مريض واحد بالفشل الكلوي مات او في طريقه للموت كل الاكل اللي بناكله ملوثالميه ملوثه الهواء ملوث بقالنا 25 سنه بنتحكم من شخص واحد خلانا نبيع الارض واحده واحده اتفاقيات مع اسرائيل بتعاون امني واقتصادي عارفه ايه هي اسرائيل ؟اسرائيل اللي دبحت الفلسيطينين واخدت منهم ارضهم اللي اغتصبت النساء وقتلت الاطفال اللي عملت مقابر جماعيه لابائنا في 67 اسرائيل اللي قفصت قانا اللي قتلت عيال زوغيره في مدرسة بحر البقر في مصر اطفال عارفه يعني ايه اطفال؟عندهم 7 سنين كانوا في فصولهم بيكتبوا واجبهم بياكلوا في الساندوتشات بتاعتهم اطفال فجأه اصبحوا رماد رفات اصبحوا لا شئ عارفه يعني ايه اسرائيل ؟بأه ليها سوق مشتركه ومصانع مشتركه حيكونوا موجودين في اسكندريه والقاهره والمحله وسينا حتحسي بأيه وواحد قتل حد من قرايبك وقتل عيل من عيال مصر بيمشي قدامك حتقدري تكلميه ؟ حتقدري تبصي في عنيه ؟ حتقدري تبصي انتي في عينيكي في المرايه ؟ حتحسي بايه ؟ عارفه مين حسني مبارك ؟ واحد باع الكرامه المصريه بابخس الاتمان باع الارض وهتك العرض واحد كل يوم البلد في عهده من سئ لاسوأ دخل البلد نفايات نوويه واجهزه مشعه والبان مشعه ولحوم فاسده ومشعه حتى مترو الانفاق اللي اتعمل في عهده سرقوا منه حفار عارفه يعني ايه حفار مترو انفاق ؟ دا حاجه طولها اكتر من 50 متر وارتفاعها بردو كدا واكبر انا مش مهندس بس حاجه كبيره اوي اتسرقت واضحكي لحد دلؤتي محدش عرف مين سرقها اسلامنا ؟ تصدقي لو اسلامنا بيقول اننا نبايع رجل بالوساخه دي انا اول واحد حعلن اني برا اسلامنا دا انتي لسه زوغيره وللاسف معلومه بسيطه حقولهالك بدري بدري الحياه مش ابدا ولا حتكون في يوم وردي
