« Home | لغبطة » | مفهوم جديد للاحباط...وماحدث امس..واعلان » | الفكره الثانيه ..الجلسه الحواريه الاولى في جمعية م... » | كلمات متنوعه.... » | كلنا في النفاق سواء يا وطن » | صناعة التاريخ المكذوب ...البطل الكاذب » | فكرتين.. ع الماشي » | كاترينا واللون الاسود » | المواطنه بين الاديان » | لما اتكلمت ام علي .... رد » 

23.9.05 

ريتا....شماته استباقيه

الاخت ريتا في طريقها لانها تتواصل مع اختها السابقه كاترينا
اخواننا في المساجد من الى الان يتنازعون حول كون ابي الحسن الاشعري تاب واناب وكتب كتابه الابانه وعاد الى الحظيره السلفيه (لا ادري الا الان كيف يعود الاشعري الى الفكر السلفي الذي وضع بعد موته؟؟؟ قضيه لا افهمها )
طبعا اخواننا الان في موقف اخر تماما فهم الان في حالة نشوه غير عاديه مما يحدث في امريكا ومن متتاليات الدمار الذي سبب بواسطة كاترينا والذي متوقع ان تواصله ريتا (هما امريكا معندهمش رجاله يسموا على اساميهم اعاصيرهم ولا النساء هناك هي الكسبانه ولا ايه بالظبط ؟)
المهم
كل ما يلهج على السنتهم الان ان هذا عقاب الله الواحد القهار على ما يحدث في العراق من الامريكان
(هو الله مش لما يحب يعاقب حد مش بيعاقب المجرمين مثلا؟ ولا الله عندهم زي الزرقاوي لما يحب يقتل الامريكان يروح يضرب في الشيعه ؟ ولا بن لادن لما حب يحارب اسرائيل يروح يضرب اهداف في السعوديه وامريكا ومصر ؟ جايز في حول في زوايا الرؤيه عند الجميع هناك)
وطبعا سنجد بن لادن والظواهري على اول المهنئين ولن نستعجب ان سمعنا عن شيوخ يقولون انها بركة رمضان وان رمضان اتي بالخير (هو الخير الالهي الرمضاني لازم يكون بدمار ناس بعيد عننا الاف الاميال مينفعش الخير دا بتسليط اي حاجه على اللي قاعد في قصر العروبه هو او اولاده ؟ولا القرعه بتتعايق بشعر بنت اختها ولا ايه مثلا)
وطبعا سنجد رسائل الموبايل تنتشر وتهنئ بقرب زوال امريكا (اللي بدأت اصدقه بعد الازمات الماليه الحاده جدا اللي واقعه فيها دلؤتي واللي اعتقدت حيستمر المسلسل دا خصوصا لو صدقت التوقعات عن ريتا)
وطبعا سنجد تلميع لهذه التصريحات في كل مكان وسنجد تفشي ظاهرة عنصرة الدين واسقاط الايات وتلوينها على واقع لا يمت بصله لما انزلت من اجله الايات وسنجد فقهاء العصر القمئ يفتون بوجوب عدم الشماته وسنجد فقهاء العصر الاقمأ يفتون بجواز الشماته لانه في النهايه كل ما يحدث في الكون هو من امر الله فان قلنا ان ماحدث في امريكا لا علاقه له بغضب الله فقد نزعنا القدره الالهيه والامر الالهي عن سائر ما يحدث على الارض فبذلك نكون الحدنا وجدفنا وهرطقنا وسفسطنا وان قلت لحد فيهم طيب ياعم الحج ما ربنا اداهم تحذير وهما عارفين اللي حيحصل بس استحمروا فيها
حيقولك يا سلام ؟ ماكل الاقوام اللي ربنا ازالهم من على وش الارض كانوا عارفين واستحمروا
وقوم نوح كانوا شافوا السيل وقالوا دا مطر من السما بس شديد شويه (شكلهم كانوا عاملين دماغ كفر عالي شويتي)وطبعا حتتشيع بنظرات الشك والحسره على الشاب اللي خرج من حظيرة الايمان (هوا اشمعنى مصطلح حظيرة اللي بيستخدم هل دا له علاقه ان كل واحد فيهم عارفه انه بهيمه وعليه فتجمعهم لازم يكون في حظيره ؟؟؟ الله اعلم)
وعليها
مش بعيد تلاقي اخوك الزوغير زي اللي حصل عندنا في البيت راجل يقولك الامريكان الكفره الملاعين ربنا سخطهم قرود بعد الاعصار الجامد
لما تقوله مين قالك كدا ؟
يقولك الشيخ اللي في الجامد جابها من الجرنال
(عرفت ان الجرنال اللي نزل الكلام دا كان جرنال الحادثه ..لا تعليق)وطبعا ميكونش قدامك يا اما حاجه من الاتنين يا تطلع الشيخ او الاستاذ او اي حد تاني قال الكلام دا حمار وتفقد قناعة الطفل الزوغير في النظام كله (سواء العلم او الدين )يا اما تحاول تطلع بحل باي شكل من الاشكال وفي الاخر حتطلعهم حمير والسلام
حسنا
ما الجديد ؟
لا جديد ستستمر مسلسلات الغباء التقليدي وستسمر محاولات التلوين الدينيه والتليين الفكريه الى ان يشاء الله
الحل ؟
لا ادري كثيرا ما هو الحل الان غير اني ساحاول ان افكر في حل لمشكلة كل من يحمل فكر المرجعيه الدينيه
وفي النهايه
انا قرفت

____________________________
بلو روز مدونه جديده

تهنئه لابد منها وانتظار الاتي الذي لابد ان يسعدنا
بلو روز مدونه جديده اتمنى لها من كل قلبي كل توفيق
(فاشل جدا انا في التقديم)
بلو روز

لست أدري لماذا يذكرني ذلك بعندما ينجوا أحد من حادث أو مكروه ما يقال له "النار ما تلسعش مؤمن" لكن لو أصابه هذا المكروه يقال له "المؤمن مصاب"
فنحن عندنا تفسير جاهز لكل شى في حياتنا


لا هوا يذكرني بحاجه تانيه خالص المثلين بتوعك
زمان لما كان الواحد منحرف شويه وبيحشش كنا بنكسل اوي اننا نجيب ماشه عشان نشيل الفحم او نغير النار فكنا من سطلنا بنشيل الفحم بايدينا ونظبطه على الحجر فكان اللي حيقوم بالمهمه دي يتقاله يا راجل متخفش دي النار متلسعش مؤمن ولو كان عديم الخبره واتلسع يتقاله معلش المؤمن دائما مصاب او مبتلي
:D
طارق احنا احسن شعوب نلون كل شئ زي ما احنا عايزين وكفايه ان في عندنا اشباه زغلول النجار عشان الدنيا كلها تبقى فوشيافوشيا

" جديد ستستمر مسلسلات الغباء التقليدي وستسمر محاولات التلوين الدينيه والتليين الفكريه الى ان يشاء الله
الحل ؟
لا ادري كثيرا ما هو الحل الان غير اني ساحاول ان افكر في حل لمشكلة كل من يحمل فكر المرجعيه الدينيه
وفي النهايه
انا قرفت
"

لو وجدت حل ستكون ابن ابوك بصحيح

اللهم اغرقهم كما اغرقت فرعون


هو احنا نكره


ايه ياعم عبدو ايه ابن ابوك دي
حد كان قالك عليا اني ابن كلب قبل كدا :D
زعنف

هو بجد مش لاقي رد

على فكرة مش احنا بس اللى فسرنا الموضوع تفسير دينى وعقاب من عند ربنا .. الامريكان نفسهم فسروه على انه غضب من عند ربنا على ما كان يحدث فى نيو اورليانز من فحش وفسوق وتعرى ...
وقد القت جماعة مسيحية اسمها توبى امريكا .. اللوم على المعاصى والآثام التى كانت تحدث هناك مثل مثل مهرجان الانحلال الجنوبى للشاذين جنسيا ..الذى منعه اعصار كاترينا من الحدوث فى موعده السنوى بيومين اثنين ... حتى العلمانيين هناك اطلقوا على الموضوع غضب الطبيعة ..

ليس فى الامر شىء سوى ان الرياح والاعاصير والامطار ما هى الا ظواهر خارجة عن نطاق ارادة افعال البشر ولهذا يتم ارجاعها الى من يسيطر عليها ويتم تفسيرها حسب ايمان كل شخص وثقافته

ما هو الحل؟ يمكن إذا حاولنا نشجع الناس كل الناس علي تدريب عقلهم علي التفكير و النقد و التساؤل و الحوار، و عدم القبول بالإجابات الجاهزة و المصطلحات المكررة
يمكن لو حاول كل واحد يسمع الأخر، و يفهم وجهة نظره و يحترمها حتي لو اختلف معها
يمكن !!!

ابن ابوك لفظة رمزية
معناها جدع وتجيبها من ديلها

:)

والبحث عن حل لمشكلة حول الجماعات الاسلامية

هو برفع صوت الاخرين واعطائهم منابر لاول مرة بعد كل القرون دي

يجب ان يرتفع صوت الذين يرون التاريخ بعين التحليل

لا بعين الامجاد والاجداد

محمد زيدان
من تقصد بـاحنا ؟
كل رموز العمل الوطني سواء كانوا اسلاميين او غيره شجبوا تصريحات الشماته دي فالكلام دا على اي اساس يعني ؟
وبعدين مؤتمر شذوذ جنسي في منطقه كلها سود ومش لاقيين ياكلوا ؟
طب مضربتش لوس انجلوس ليه ولا فيلاديلفيا ليه او اي حته من تجمعات الشواذ الكبيره جدا ؟
طيب يا سيدي الفاضل الكوارث اللي حصلت بسبب كاترينا مكنتش بسبب الاعصار اد ماهيا بسبب رد الفعل الغبي والغير مسئول من المدعو جورج دبليو بوش لا اكثر ولا اقل
بعدين غضب الطبيعه دا شئ وغضب الله شئ اخر وسبب مقولة غضب الطبيعه اللي اطلقتها جماعات الخضر واليساريين الامريكان كنوع من تحميل حكومة الولايات المتحده المسؤوليه لانهها السبب الاكبر في العالم لتدهور المناخ وارتفاع الاحتباس الحراري اللي ادى الى التغيرات المناخيه العنيفه اللي بنشهدها في كل مكان في العالم والتي كانت كاترينا ومن ثم ريتا من اهم نتائجها
فقط لا غير
ايمان
بتفق معاكي في كلامك بس ازاي الناس ممكن تركن مخدع الراحه وترضى بالاجتهاد وتشغيل الدماغ
اكتر حيوان مرتاح في الدنيا الحمار
بيشتغل ويتعلف ويتناسل وخلاص
ومتنسيش اننا الشعب الوحيد اللي مساحة ارضه المزروعه بالبرسيم اكتر من القمح
عجبي
ابن عبدو
بهزر يا جدع
متفق معك في كلامك

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي