كنيسة مارجرجس تحت الحصار
محرم بك الاسكندريه
الخبر كما سمعته ورأيته بما اني ساكن بجوار الكنيسه
الموضوع لم اعرفه غير من تليفون من صديقه ان هناك كنيسه محاصره في العصافره في الاسكندريه
حاولت اعرف اي حاجه المهم معرفتش والعصافره بالنسبه لي في الطرف الاخر من الاسكندريه فكان مستحيل اعرف اوصل لها وبالذات واكيد وهي متقفله دلؤتي
المهم بعد نص ساعه كان في دوشه في الشارع فكان دا الطبيعي يما اننا رمضان وكدا
اتصلت بيا الصديقه اللي بلغتني الخبر اول مره وقالتلي ان الكنيسه في محرم بك
طبعا احنا عندنا في محرم بك اكترمن تلات كنائس واعتقد ٤ ان لم يخوني التعبير
بعدين عرفت انها مارجرجس وان الموضوع كما وصلني ان جريدة الميدان(جريده جنسيه كل هدفها هو الربح ونشر صور البكيني والصور السكس الموجوده على النت لبنات لاتين او عرب وتنشر الصوره وعلى عين البنت غمامه سوده كأنها متصوره في الجريده)
نشرت خبر ان الكنيسه المذكوره بتعرض مسرحيه بتسئ للاسلام
طبعا اخونا السلفلفون ماصدقوا وبما انهم عندهم كبت كبير مسابوش الموضوع يعدي ع الساهل
وازاي وهما بايمان اهلهم حماة الدين والعقيده (احيه يا عقيده قائمه على الاستواء واثبات وانكار الصفات)
خلصوا صلاة التراويح وطلعوا محاصرين الكنيسه الرجاله بدقون وجلاليب قصيره والنسوان بالخيم المعروفه المترنحات تحتيها
وعينك ما تشوف الا النور وحالفين وراسهم والف سيف لا يدخلوا الكنيسه
حاولت انا اني اعيش دور المخبر الصحفي واصل للموضع لقيت ان الشوارع متقفله تماما والموضوع لا ينبأ بخير
حاولت التزم مكاني لحد ما يجيلي الخبر من بعيد لان مش مستعد احلق دقني عشان امشي بامان في الشارع واقرب من الكردون وشكلي لايوحي بالامان اصلا
بس قلت اكتب الموضوع هناوافكر بصوت عالي
راجل بدقن وبيقول انه بتاع يقرى جريده جنسيه على اي اساس ؟
بيصلي صيامه بالصور السكس (وطبعا مادام شهوته على صور يبقى مش فاطر )طيب ايمان ايه ودين ايه اللي بتتكلموا عنه ؟
طيب لو فرضا مقاراش وجاله الخبر
حد ياخد خبر من جريده معروفه ان مبيعاتها بتعتمد على كمية الصدور اللي على غلافها ؟
وكمية اللانجري اللي موجود جوا صفحاتها ؟
يا اخي دا حتى ربك بيقول وان جائك فاسق بنبي فتبينوا
ودول مش فساق دول قوادين الصحافه
يا اخي هوا دينك دا اللي بيقولك تغير عليه مش بيقولك تتوثق من كلامك ؟
المسرحيه يا ساده كما ابلغتني صديقه مسيحيه
مسرحيه عرضت في العامن ٢٠٠٣
وتحكي عن شاب خرج عن الكنيسه واغوته الدنيا وفي النهايه تاب وعاد
ولم تتطرق لمسلمين من بعيد او من قريب
يبقى ايه علاقة زيد بعبيد ؟
ولا هوا مجرد كبت ومحاوله للظهور ؟
بعد ما شهدت الساحه نوع من تضافر الجهود عشان التغيير صعبان على ميتين اهليكم انكم تعدوا الموضوع على خير؟
لازم زي طول عمركم ما بتلعبوا لعبتكم الوسخه مع الحكومه انكم تكونوا عرايس الكلاب الكبار ؟
طول عمرهم متوفر لهم الحمايه كل اطياف التيار الاسلامي بيتأذوا ويتبهدلوا وكل المعارضين السياسيين بمختلف انتمائاتهم بيتبهدلوا الا هما
لانهم مجرد مسكنات للشعب افيون باسم الدين
باسم بابن تيمييه اللي اتلعن الف مره بسبب غبائهم والراجل منهم براء
باسم الله ورسوله اللي اتكفر بيهم واتسب لهم دين الف مره بسببهم والله ورسوله منهم براء
اللعبه الوسخه واضحه من البدايه
الانتخابات على الابواب
وكل القوى السياسيه اتحدت
ومصر على ابواب تغيير
يبقى لازم النظام النجس يستخدم فزاعته
وبعد الاخوان ما اتحدوامع الجبهه مبقوش يقدروا يرفعوا راية الاخوان
فمافيش غير اغبياء التسلف يكون الفزاعه
ايها الاسلام كم من الدنس يرتكب وانت منه براء
لعنة الله على القوم الاغبياء وكلاب السلطان
هل الموضوع انتهي ؟
ام لازال موجود ؟
المدونين والمدونات بتوع اسكندرية متسيبوش الموضوع ده يعدي الا بعمل تغطية محايدة لمعرفة ايه اللي حصل وايه سببه
هل فيه حد اتجرح او اتعور ؟
هل حصل ضرب؟
مين اللي بدا الفتنة دي
وحطلنا صور
وحطلنا فيديو
اعملوا تغطية
خلينا ننقل الموضوع كما هو
ونسيبنا من وسائل الاعلام
تعالو نحل مشاكلنا بايدينا
ونشوف ايه الغباء ده جاي مينن؟
Posted by
ibn_abdel_aziz |
1:31 AM
للاسف انا ملحقتش اصور حاجه بس نزلت موضوع اخر بلهجه اكتر عقلانيه عن الموضوع
وربنا ييسر وحتابع الحدث على قد ما اقدر
Posted by
AUCWORKERS |
2:43 AM
كيف طاوعتك يداك على كتابة تلك الكلمات الحمقاء .... اخى مالك اتعجب والله كل العجب
............................
وازاي وهما بايمان اهلهم حماة الدين والعقيده (احيه يا عقيده قائمه على الاستواء واثبات وانكار الصفات)
خلصوا صلاة التراويح وطلعوا محاصرين الكنيسه الرجاله بدقون وجلاليب قصيره والنسوان بالخيم المعروفه المترنحات تحتيها
وعينك ما تشوف الا النور وحالفين وراسهم والف سيف لا يدخلوا الكنيسه
الم ترى هناك غير الذقون والنسوان الخيم ... استغفر الله العظيم ... اين الصدق فى نقل الحدث ..... الم ترى كل فئات الشعب هناك ... الم ترى احدا يشعل سيجارة او شاب حالق كابوريا ...
اشك انك قد رايت شيئا
.............................
المسرحيه يا ساده كما ابلغتني صديقه مسيحيه
مسرحيه عرضت في العامن ٢٠٠٣
وتحكي عن شاب خرج عن الكنيسه واغوته الدنيا وفي النهايه تاب وعاد
ولم تتطرق لمسلمين من بعيد او من قريب
يبقى ايه علاقة زيد بعبيد ؟
لا يا سيدى الفاضل ...الامر اخطر من هذا بل وبه تحريف ايضا واستهزاء بآيات الله ...ان كانت لا تزال تعنى لك شيئا ... ارشدنى الى موقع ارفع عليه المسرحية التى من جزئين ... الجزء الاول 180 ميجا والثانى 290 ميجا ... ولسوف ارسل لك رابطها حتى يكون حكمك صائبا وكلماتك ليست بحمقاء ... كان من الممكن ان تستخدم الفاظا اخرى لا تهين فيها اى من الاطراف لتكشف لعبة النظام الدنيئة ... او تلزم الصمت
Posted by
mahmoud zidan |
4:46 AM
اخ محمد زيدان
كنت ارجو قبل ان تتكلم بصيغة المهاجم والمدافع عن الدين والممتلك لناصية الكلمات ان تنتبه ان لي مشاركه بعد هذه كنت فيها اكثر هدوءا
وان تنتبه اكثر ان هذه المشاركه كانت اثناء الحدث في البدايه وقبل ان يغطيها اي انسان واني نقلت الواقع كما هو في وقتها
لا كما علمنا جميعا الحقيقه فيما بعد
فارجوا ان يتم اخذ هذا بالحسبان قبل الحديث عن اي شئ
ورجاء وضع لنك المسرحيه التي تتحدث عليها
Posted by
AUCWORKERS |
8:42 PM