« Home | اليومين الخامس والسادس...التحرك من اجل كريم ...لاش... » | تحرك اليوم الرابع من اجل حرية كريم » | تحرك اليوم الثالث...يوم عقيم » | تحرك اليوم الثاني من اجل حرية كريم » | تحرك اول يوم من اجل حرية كريم » | أبانا الذي في المباحث » | عبد الكريم وحرية التفكير » | ربك هو العالم » | الكنيسه اعتذرت عن المسرحيه » | بدون تحليل » 

13.11.05 

اليوم السابع

المحامي بيقول انه مش قادر يقدم بلاغ
لانه مش عارف يقدمه ضد مين ؟
ضد امن الدوله ؟ ولا المباحث
بيقول انه الحق الوحيد اللي يملكه عشان يقدم بلاغ هو حق ابلاغه عن جريمه شاهدها او علم بها
فعليها لو بلغ ضد امن الدوله مثلا وطلع ان اللي قبض عليه مباحث ومن ثم راح امن الدوله فحيكون بلاغ كاذب وحيتعاقب عليه
الحل الوحيد ان اهله يتعاونه
واهله مش عايزيييين
وبتوع حزب الغد ولا في دماغهم
وشاطرين يقولوا ليبراليه ليبراليه
لامؤاخذه يا ليبراليه .....يا اخا اخّا
مش عارف
خد عنده افكار ممكن نعملها ؟
ولا نقول سلام على الولا؟
مبقتش عارف
_______________
شوية معلومات شخصيه عن عبد الكريم من اعضاء الغد في اسكندريه
حسب وصف الكثير له
شاب هادئ جدا لا يتحدث ابدا لايجيد ابدا التواصل الاجتماعي اثناء تواصله معك يشعرك بالطيبه التي يمكن تفسر على انها بلاهه
لم يتوقع اي انسان ان كريم هو هو نفس الشخص الذي يسب الاسلام ويهاجم المسلمين
اجمع الكل على انه لا يمكن ان يكون هو نفس الشخص
تندر احد شباب الغد على الموضوع بذكره قصه لكريم
انه في يوم الانتخابات الرئاسيه كان كريم معه توكيل لكي يراقب به في الانتخابات
وعندما استلمه اضاعه ولم يتذكر اين وضعه
فذهب الى الشاب الذي يحكي القصه وسئله بصوت خافت جدا ومرتعش
انا ضيعت التوكيل اعمل ايه ؟
قاله دور عليه
رد عليه عبد الكريم طيب
ذهب ولم يجده فعاد اليه مره اخرى
لم اجد التوكيل ؟؟؟؟
ذهب معه الشاب ووجد التوكيل بجواره لكنه لم يلتفت اليه
اخبرني الشاب بعد ان فرغ من السرد
قلت في نفسي ان كان قد اضاع التوكيل ولم ينجح حتى في التفكير في العثور عليه فكيف سيراقب الانتخابات الرئاسيه وكيف سيرد على بلطجية الوطني
بعد ان استمعت الى مثل هذه الحكايات وصلت الى نتيجه واحده
اني لا استطيع ان احكم على اي انسان مهما حدث
هذا هو عبد الكريم
ححاول اوصل لاخوه عبد الهادي على الاقل لكي اعلم منه بالمزيد عن اخيه

_____________________
اول مره اتأكد اننا عندنا حركه سياسيه متخلفه وان مافيش حاجه اسمها سياسه في البلد دي
في حاجه اسمها حموريه
وان وجد من يفهم فهو الشذوذ اللي بيثبت القاعده
حكومه ولا معارضه
كله
طورشي

للأسف كل حد حذرني أن بدون تعاون الأهل مفيش حاجة تتعمل، اقتراحي هو الاتصال بالأهل كل ثلاثة أيام يمكن يغريوا رأيهم.

الحاجة التانية اللي ممكن تتعمل اقناع حد محترم لكن ذو سلطة و مكانة زي عادل عيد مثل أنه يتصل بالأمن يمكن يقدر يعرف هو معتقل فين و يمكن سؤاله يخفف ايد الأمن شوية.

مهم جدا معرفة هو محتجز فين عشان توصلوله أكل و هدوم و بطاطين و أدوية و كل الحاجات اللي الأمن في المعتاد ما بيفرهاش حتى لو مش ناوي على تعذيب و أذية.

احنا محتاجين فكرة مجنونة

لان بالشكل ده كريم اللى هياكل الطورشى


!!


واخيرا الموضوع انتهى
:)
الحمدلله

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي