« Home | صور لمجاعة النيجر » | -وقفه احتجاجيه يوم الاحد » | تأجيل الاجتماع او الغائه » | عندما صوتت الملائكه لصالح الاخوان » | تخاريف قبل النوم » | الحزب الوثني الديمقراطي-اجتماع المدونين » | الاسلام هو الاخوان » | سبعه سبعه سبعه سبعه سبعه سبعه يا سبعه » | عبد الكريم....أسدل الستار » | اليوم الاخير...افرج عن كريمbgd » 

4.12.05 

دعوه لانشاء مكتبة--الوقفه الاحتجاجيه امام نقابة الصحافيين

اكتر حاجه كانت بتخليني اكره نفسي اني ادور على كتاب عشان اقراه الاقي له الف نسخه
مافيش ولا نسخه منه بالعربي
افتكر اول ايامي ماكنت عايز اتعلم اي حاجه عن اللينكس
مكنش في غير كام شرح لا يغني ولا يسمن وبعد فتره كبيره نزل كتاب لمؤيد السعدي اسمه كتاب لينوكس الكامل بيشرح فيه ريد هات 10
(حدفاكر الايام دي ؟)
حتى لما كنت بدور على منتدى عربي واحد للينوكس بيتكلموا عربي
متلاقيش
تلاقي الاسامي عربي والكل بيتكلم انجليزي
كأنه الامريكان وباقي متحدثي الانجليزيه خلاص محتاج بشده لكلامهم والعرب ماشاء الله عدوا خلاص في اللينكس وبقوا قوه تكنولوجيه لا يستهان بها
عشان كدا اخواننا الجهابذه مش عايزين يعبرو العرب والناس الجاهله لغويا اللي زي حالاتي وشغالين لبلاد العالم المتحدثه بالانجليزيه
ومافيش غير منتدى واحد وهو عالم المعرفه
وشوية كتابات(قلة مندسه وسط الغالبيه الناطقه بالانجليزيه) في لينوكس ايجيبت
وجنو لينوكس مصر

والباقي بختك يابوبخيت
حتى الكتب العاديه
انا كنت خلاص حفقد الامل اني الاقي شفرة دافنشي وكنت نازل اشتريها ورق خلاص
لحد مالاقيت يحي مجاهد حاططها عنده في المدونه
حتى اغلب المكتبات المجانيه على الانترنت
زي الوراق مثلا
بتهتم بس بكتب التراث والدين والكلام دا
مافيش اهتمامات اخرى
حتى مكتبة اللا
دينيين
بتنصب في اتجاه واحد
الفكره بكل بساطه
ليه منعملش مكتبه مفتوحه وحره بالعربي ؟؟؟؟
بدل النقص المعلوماتي الرهيب اللي بنعيشه زائد اسعار الكتب المبالغ فيها او لا تتناسب مع غالبية المواطنيين ؟
اعتقد انها حتكون نواه كويس لاشياء كثيره فيما بعد
اتمنى ان حد يدعم معايا الفكره
_______________________________


تضامنا مع المستشاره نهى الزيني

والصحفيه اسماء محمد
وصلتني الدعوه (التي علمت فيما بعد ان كفايه قد تبنتها)

الوقفة الاحتجاجية تغير موعدها ليصبح
موعد الوقفة الاحتجاجية الثلاثاء 6-12-2005 السادسة مساء أمام نقابة الصحافيين لمدة ساعة (صامتة)ثم نقابة المحامين 45 دقيقة ( توزيع
البيان للمارة و هتافات موحدة)
http://forum.harakamasria.org/showthread.php?t=3841

ايه ده دأنت بتلوش فينا بقى

مسألة غياب المحتوي العربي في منتديات الجنو لينوكس دي ببساطة مسألة عجز، مثلا في جنو/لينوكس مصر عندنا رغبة حقيقية في نشر محتوى مفيد بالعربي لكن عمليا اللي بيعرفوا يكتب كلام تقني بالعربي قليلين جدا، و تقدر تتفرج على النتائج المؤسفة بتاعت محاولاتي مثلا

مؤيد كان لسه شغال على الكتاب لحد قريب جدا بس عامله على ماندراك دور كده مش هتندم

موضوع مكتبة عربية مجانية ده محتاج كتاب يتبرعوا بنصوصهم و محتاج ناس تحول النصوص لصورة رقمية (اذا كان الماتب مش موفرها) الباقي أمره سهل، لو حد عنده الرغبة في أنه يتصل بالكتاب و يبدأ مشروع زي ده أحب أساعد


لا ياعمنا لا بنلوش ولا حاجه
بس صدقني اتخنقنا بجد
يعني انا مثلا لما بلاقي حاجه واقفه معايا بتتعمى عيني لحد ماافهم الكلام الانجليزي ويترجم
بالنسبه للكلام التقني معتقدش انه معضله كبيره ما بتوع ارابيان بيتكلموا عربي وماشيين كويس
معلش انا لغبطت بين كتاب مؤيد وكتاب اخر كان معمول ادوب مش اتش تي ام ال
كان معمول عن ريدهات 10
دا اللي اتعلمت عليه
بالنسبه للمكتبه
الفكره بكل بساطه ان في كتب ياما موجوده بس مش بنعرف نوصلها
واخرهم شفرة دافنشي اللي وصلنا له ببركة يحي مجاهد
اعتقد اننا لو بدأن كخطوه مبدئيه نجمع الحاجه اللي ع النت حتكون خطوه جيده

ايه انواع الكتب اللي بتتكلم عنها يا مالك؟
مكتبة الديوان بتجيب كتبهاالعربي منين؟
سواء المتالفة بالعربي او المترجمة للعربي؟؟

زرتهم اخر مرة امتي
زدني شرحا
ممكن نطلع بفكرة اوضح ان شاء الله

يا مالك كتاب شفرة دافنشي اللي انت نزلته ده توزيع غير قانوني يعني بيعرض صاحب الموقع للمسألة القانونية في محاكم بره بلده و بهدلة، مشروعك له معنى لو هيبقى قانوني.

و بعدين أنا ما قلتش كل الماس عندها مشكلة مع الكتابة التقنية بالعربي أنا قلت في ناس عندها مشكلة و ده اللي حاصل في جنو/لينوكس مصر و ده وضعي أنا شخصيا، لا يمكن انكار أن أغلب الشباب من جيلي متعلمش كتابة أو عربي في المدرسة.

نرجع لموضوع المكتبة، القانون المصري بيحمي الأعمال لمدة 50 سنة بعد موت الكاتب يعني في كتب كتير جدا ممكن قانونا ننشرها بدون ملاحقة قضائية، مش فاكر الترجمات بتاخد نفس الفترة و لا أقل ده غير أن أكيد كتاب كتير مش هيمانعوا ينشروا أعمالهم مجانا على النت بما أن الكتابة في أحوال كثيرة مش مربحة أصلا في مصر.

و أن كان مشروع كتب عربية نازل يقش أغلب الكتاب و بيتعاقد عاهم على بيع نشخ الكترونية على النت و ده ممكن يخلي بعض الكتاب يفضلوا النشر عن طريقهم

ممكن يتعمل حاجة زي مشروع جوتنبرج اللي نشر عشرات الألاف من كتب المجال العام و ان كان ده موضوع محتاج شغل كتير قوي خصوصا في غياب برامج قراءة النص العربية.

أعتقد أن عرب الخليج يقومون بعمل أفضل كثيرا من المصريين مثلا في الكتابة التقنية بالعربية، وهو يرجع في بعض منه إلى جودة تعليمهم مقارنة بتعليمنا، إلا أن هذا ليس السبب الوحيد. فيما يتعلق بالكتابة التقنية ولينكس، لم لا تقوم يا مالك ببدء ويكي عربية على إيجي لج؟ أنا أعرف تماما أنهم غير متحيزين في العموم للإنجليزية، ولكنهم يفتقدون، كما شرح علاء، للقادرين على الكتابة بالعربية.

أنا على استعداد للبدء في تضمين الكتب العربية المشاع في مشروع جوتنبرج، وويكيمصدر، ولا مانع أيضا من واجهة عربية للوصول إلى تلك الكتب. ماذا حدث يا علاء مع استخراج كتب الوراق من الموقع في ملفات نصية يمكن العمل بها؟ بعد إنجاز هذا، يمكننا أن ننتقل إلى الكتاب المعاصرين عن طريق الناشرين العرب. أنا مهتم بالموضوع، وقادر على العمل مع المحتوى. أترك التقنيات لمجتمعات كإيجي لج.


شريف انا بتكلم عن كل انواع الكتب اللي ممكن نوصل لها بشكل او بأخر
مثلا انا واحد من الناس مهتم جدا بتجربة ايران او بالتوجه الشيعي الجعفري
عشان تلاقي كتاب واحد جاي من ايران وتعرف تشتريه تودخ السبع دوخات الا اذا حد كان بيحضر مؤتمر هناك وكان راجع محمل
غير كدامافيش غير الانتظار على بوابة مدبولي
انا بتكلم عن كل انواع الكتب وخاصة المغاليين في سعرها او النادره في وجودها
علاء
الملاحقه القضائيه اللي بتتكلم عليها الا يوجد حل لهاغير ما ذكرته ؟
مافيش اي حلول جزئيه؟
او حاجه نلتف بيها على الموضوع باي شكل من الاشكال؟
اصل الموضوع مهم جدا لشريحه من الناس اعتقد اني اول واحد منهم

عموما لو ماكنش يبقى الحل الاخراللي انتا طارحه بردو
وفي في دماغي كتاب بتاع ابراهيم عيسى اللي نزله على حلقات في الدستور يوم مقتل الزعيم
اعتقد بما ان الكتاب ممنوع من النشر اصلا فاعتقد ممكن استئذانه واستهلالنا بكتاب زي دا حيكون شئ جميل
انا اقدر اشارك في سحب الكتب والكلام دا
موضوع التقنيه يا سيدنا
انا فاهم والله كلامك بس بقول فيها ايه لو الناس داست على نفسها شويه وحاولت تكتب عربي على الاقل بدل هي ما بتفيد شريحه محدده من مستخدمي النت تفيد السواد الاعظم الغلبان اللي زي حالاتنا اللي حظه السئ دفعه لعدم اجادة التكنوليزي
عمرو
موضوع اني ابدأ بالكتابه على ايجي لج بالعربي
معتقدش اني مؤهل (تقنيا)حاليا لشئ من هذا القبيل
مع ان دا ان شاء الرحمن من اول الحاجات اللي ناوي اعملها اول ما اكون مؤهل
هو ايه مشروع جوتنبرج ياعمرو ؟

صراحه انا حاولت ادور في جوجل(بالعربي )موصلتش لحاجه اكتر من كونه مخترع الطباعه(الشخص طبعا مش الموقع)
فياريت نبذه يا سيدنا
ربنا يكرم

يا اخ مالك

بالنسبة لموضوع الكتابة بالعربية فله عدة محاور

اولها ان الكثيرين لا يتقنون الكتابة بالعربية

ثانيا ان عدد الناس قليل لا يمكننى مثلا ان اكون الشخص الوحيد الذى يكتب بالعرية

ثالثا بالنسبة لى شخصيا فانا اعانى من مشكله فى ترجمة المصطلحات التقنية من الى العربية كما قال علاء


صاحب الاشجار: مش موضوع جودة تعليم ولا بطيخ
الموضوع كله ان الناس دى بتشتعمل ويندوز بواجهة عربية
عنى المصطلحات العربية فى دماغهم

بالنسبة للمكتبة العربية فانا مستعد اتبرع و اعملها بس عايز مساعده

انا كنت ابتديت فى سحب محتوى الوراق و توقفت لما علاء قال انه موجود عنده
بعد هذا اكتشفت ان الصيغة الموجوده عنده لا تناسبنى ثم انشغلت !

حد عنده استعداد يساعد ؟ ماهو اكيد مش هانجيب محتوى الوراق و بس!!!

-------

و بعدين تعال هنا
1) لما يكون عندك مشكله اسال على جنو لينوكس مصر و الناس هاترد عليك بالعربى
2) مافيش حاجه اسمها ريدهات 10. اخر اصدار كان 9
3) لما يكون عندكم كتب زى ده و عايزين توزعوها عندنا حلين تورنت لو الملف كبير او انا باحطها على ال اف تى بى عندى على قد ماقدر

ابعتوالى بس


اقصد ريدهات 9 معلش
الدنيا كلها بتقع مني
بالنسبه لموضوع المكتبه ياعم شوف عايز مساعده في ايه بالظبط
ووزع المهام وانا اشتغل
انا معنديش اي مانع
بعدين انتا عايزني احط عندكم سؤال؟
ليه هو الواحد محرمش من ايام ماكنت في لينوكس ايجيب؟
انتا يابني خلتني مادخلش المنتدى بتاعه تاني
ولا حتى افكر اسئل اي مخلوق
وخلينا ورا بتوع منتدى ارابيان لحد ما ربنا يفرجها على حد تاني ويتعطف على العالم الجاهله باللغات الاخرى زيينا

محتوى الوراق جاهز عندي بالفعل في صورة ملفات نصية عادية، محتاج حد يفهرسه فقط اتفضل اشتغل يا صاحب الأشجار

مالك الاتصال بالكتاب هي الخطوة الحقيقية في رأيي مين عايز يقوم بالعمل ده؟

لاحظوا أن الناشر الالكتروني
http://www.kotobarabia.com
نازل السوق بيتعاقد مع كل الكتاب تقريبا و بالتالي ممكن منلاقيش قبول واسع لفكرة النشر المجاني

هما عموما عندهم بعض الكتب المجانية http://www.kotobarabia.com/FreeBooks.aspx

و ممكن تحمل 267 كتاب من سلسلة عالم المعرفة من على
http://www.al-mostafa.com/aalam.htm

ده نظريا غير قانوني لكن بما أنها كتب مدعومة أصلا و الكتاب بيحصلوا على مبلغ ثابت في أول التعاقد أشك أنك هتواجه ملاحقة قضائية بسببهم

حلو جدا

يبقى اكيد لازم قعده

تعال هنا يا كابتن
انا عملتلك ايه فى لينوكس مصر بقه ؟

لعنة الله عليك يا ابواسلام يا من تريد فى مصر الخراب فانت بحق رسول الشيطان فى الارض لقد قرأت مجرد عناوين كتاباتك وادى ذلك الى شعورى بالقرف منك ومن الانترنت فانت فعلا مقزز واعدامك مش كفاية وندعو الله ان يقصر ايامك فى السجن وفى العالم كله وفى الحياه فانت فعلا وقح وسافل والذقن اللى على وشك كان اولى تكون اسفل ذيل انثى الكلب

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي