« Home | مظاهرة الخميس+اعتصام المرصد الاسلامي الجمعه » | قتل وتشريد واعتصام بالكنائس » | الارابيان+ابن رشد+سودان+عام جديد » | ابو اسلام...الافراج » | ابو اسلام في المنزل+شوية كلام » | الافراج عن ابو اسلام+محصلة يوم خنيق » | وقفه بالملابس السوداء احياءا لذكرى الاربعين » | لمن تنصب المشانق ؟ » | سئ » | ابواسلام2 » 

4.1.06 

إفتح الميه



تخيل نفسك كلب

الكل بيدوس عليك وبيحدف عليك طوب
او حتى قرد
من بعيد لبعيد كدا بيدادوك
طيب تخيل نفسك لون اسود ويا حبذا كنت مسيحي ويا حبذا لو كنت في ميدان مصطفى محمود
تخيل نفسك انك اقل من الحيوان
تخيل نفسك مهان
بعيد عن وطنك بعيدا عن ارضك مهجر منسي من زمان
تخيل نفسك لون اسود على حيطه وسخه
صدقني مش حتبان
بس اول ما حيقولوا نضافه مش حيشوفوا الوساخه وحيشوفوا اللون الاسود
ويا حبذا لو كنت مسيحي
كلب وراح
وكان بيشخ في الميدان
دا كان عندهم ايدز
دول ولاد كلب شغالين في الدعاره
يا عم عالم بنت وسخه
بعديها حميل عليك معاكش 5 جنيه سلف
تخيل اللون الاسود
ويا حبذا لو كان اي حاجه
ما القفشه ان طلع عدد كبير منهم كانوا مسلمين


وانهم تخيل كانوا بردو بينزلوا عزبة الهجانه وينصروا المسلمين مع انهم نفسهم مسلمين
ولا مؤاخذه منين يا جحا
افتح الميه
عيل حيموت
كلب وراح
ست عجوزه حتعدم
على الاقل حتدفن في بلدها كانت حتترمي في الشارع لحد ما النسور ما تاكلها
افتح الميه
لون اسود وسخ
بيشخ في الميدان
الميدان مقدس يا اسيادنا
فيه اسيادنا التانيين
الحلوين المقططين
احنا مين ؟
ولاد كلب
وهما مين ؟
ولاد افندينا
افتح الميه
كفره انجاس
نايميين في الميدان
الطاهر الالهي
المقدس باطنان المال
كلاب ولاد ارجاس
افتح الميه لاجل اسيادنا العظام
يعرفوا يحركوا عنيهم من غير مايخبطوا في لون اسود
افتح الميه
الولد مات
عندك كام سنه ؟
ايد وصوباعيين
واخويا صوباعيين
ومتت ؟
اه
وليه ؟
عشان انت بتكرهني
ليه؟.
عشان انا صغير

افتح الميه
خليها تنضف
وبعديها
افتح النار
وبعديها
احرق الكلاب
كل الكلاب كل الفقرا
سود او بيض
احرق الكلاب
كل الكلاب مادام قال لا
افتح الميه
ملعون ابوهم شعب اسود ملعون
افتح الميه
افتح الميه
افتح الميه



ياعمي دول كان عنهم وباء وانا بطني وجعتني بعديها

(الصور من
الأسوشيتدبرس والوعي المصري)

Have we lost our way and ceased to think and behave like a modern civilized society ??. Yes

عزيزى

بالنسبة للموضوع انا من راى

ان الحكومة المصرية عملت اللى عليها وزيادة

واظن وجود اكثر 3000 لاجىء فى ميدان حيوى للبلد

منظر غير حضارى ولن تقبلة اى دولة هما كانت

لقد صبرت الحكومة ثلاث شهور وهات يامحيلة فيهم ومفيش فايدة

المفوضية الخاصة بشئونهم عملت اللى عليها وقالت كلمتها ولما وجدت تهديد منهم
لجئت الى الحكومة المصرية للعمل على المساعدة واجاد نخرج للمشكلة

بعضهم كان موافق على ترك الميدان لولا وجود البعض رفض الخروج هدد المجموعة الاخرى بالقتل.

والبداية كانت منهم قاموا بالتعدى على افراد الشرطة

وانابيب البوتاجاز وغيرها

.
الحكومة المصرية انا اقيدها فيما فعلت

ولن ترضى اى دولة متحضرة تخشى على الامن العام وتفشى نعم الامراض والسلوك الغير حضارى

وتظل صامتة وكان الامر لايعنيها


اشكرك على عرض الموضوع

وفقنا الله لما فية الخير

مع خالص تحياتى


ريد
ربنا يكرمك عشان انا عندي نقص لغوي في اللغات الاجنبيه فظيع
عربي اكرمك الله
واه اضعنا الطريق
تامر
منا قلتلك يا اخي ان احنا ولاد كلب
وعايزين يتفتح علينا نار مش ميه
انا متفق معاك تماما
احنا ولاد كلب عايزين نتمسح من على الخريطه
تحيه قلبيه معطره بدم 56 جلد اسود فقير
وفي قول اخر
27 كلب سوداني موبوء
مش بقولك احنا ولاد كلب
ولاد كلب من اجل التغيير

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي