« Home | انك ميت وانهم يحيون » | 360 قضاء الله وقدره يا ولاد.... » | معارضه يا ولاد الكلب » | انا مش عاقل ولا مجنون » | زلزال جانا وفرحنا به بعد غيابه وبقاله زمان » | البيان » | إفتح الميه » | مظاهرة الخميس+اعتصام المرصد الاسلامي الجمعه » | قتل وتشريد واعتصام بالكنائس » | الارابيان+ابن رشد+سودان+عام جديد » 

31.1.06 

قالولوا

قالولي اشتري دومين
اشترينا
قالولي حول دروبال احسن
حولنا
حد يفهمنا نغير نبدل نظبط ازاي ؟
محدش عبر اهلنا
حاجه تقرف
مافيش اي شرح بالعربي
والشرح اللي عند علاء
مش كفايه
والشروح كلها بالزفت الانجليزي
حتى اللي على ام ايجي لج
بام انجليزي
الرحمه يا بشر احنا جهله ولاد ستين عرب مبنفهمش غير ام عربي
حد من اللي ربنا فتح عليهم بنعمة اللغات المتعدده يرحم اهل الجهله اللي زي حالتنا ويعبرنا بحاجه مفصله بالعربي تشرح ام الزفت اللي اسمه دروبال
عشان دا وقف حال
(حاسس ان واحد حيدخل يرخم على اهلي ويقولي مادام متعرفش انجليزي وجاهل ومتخلف ومصري خليك على ام بلوج سبوت ومش لازم تنضف .....مبدأيا كدا ربنا يسامحه)

انا مستعدة اساعدك في اللغة لان ماعنديش مشكلة فيها
بس انت عارف ان علاقة اختك بالتكنولوجيا الحديثة محدودة جدا, فمش عارفة هاعرف اساعدك بالترجمة من غير ماكون انا فاهمة حاجة اصلا ولا لأ


(حاسس ان واحد حيدخل يرخم على اهلي ويقولي مادام متعرفش انجليزي وجاهل ومتخلف ومصري خليك على ام بلوج سبوت ومش لازم تنضف .....مبدأيا كدا ربنا يسامحه)


دا اسمه ايه بقى؟؟؟؟؟ ضربة استباقية؟؟؟؟؟ ماحدش يا عمنا كان هايقول كدا, هي بس عقد الاضطهاد اللي عندك

لو فيه حاجة اقدر اعملهالك قولي

والله يا باشا أنا هاقول لك على حاجه..

الحكاية أبسط من اللي انت عامله ده!

:) ده اللي هاقدر أساعدك بيه لغاية دلوقتي:)

=(أصلي مش عبيط عشان أوعدك انت كمان بإني أنقل لك مدونتك وتبقى رقم 101 في طابور المدونين اللي وعدتهم بكده ولسه موفيتش! خصوصا انت اللعب معاك خطر ههههههههه)=

إلا اشمعنى دروبال..صدقني ووردبرس يعجبك ؛)

واحدة واحدة يا مالك، بتشتكي من ايه؟ أن محدش اجتمعت فيه معرفة اللغة الانجليزية و اللغة العربية و مهارة الترجمة أو الكتابة التقنية و دراية بدهاليز دروبال كتبلك حاجة جاهزة؟

يعني دي شكوي عاقلة بالذمة؟ واحدة واحدة دي تكنولوجيا بديلة لسه بنحاول ندخلها بالجهود الفردية في مجتمعنا.

على العموم يا سيدي الموضوع أبسط من كده، أي سؤال ابعته بالعربي على
eglug.org
أو على المنتدى اللي على
manalaa.net
لمساعدة المدونين و أنا أوعدك أرد عليه بأسرع و أبسط ما يمكن (يمكنني أنا هه، متتوقعش مني معجزات) و بالعربي كمان.

اتفقنا؟ و لو مش كفاية لم مجموعة من الناس لا تقل عن 5 مهتمين يتعلموا دروبال و لاقيلنا مكان و أنا أعملكم جلسة قصيرة نجيب فيها قرار دروبال.


بلو
ربنا يكرمك
الازمه ان هنا الانجليزي تقني فالموضوع مكعبل
:D
عياش
ربنا يخليك ياعم انا عايز اتعلم حنفضل جهله لامتى
الاب الروحي
ماشي ياسيدي
دخلت عندك وحطيت سؤال في المنتدى
ومستنيين الاجابه
وادي اللنك
http://www.manalaa.net/node/14745
(ياريت خطوات نقل المدونه بالكامل من بلوج سبوت لدروبال بالعربي بدل مانتا كاتبها بالانجليزي ....اهو استغلال بأه:D)

انسى موضوع خطوات نقل المدونة، دي مش لضعاف القلب و المبتدئين، دي عملية مكلكعة و منيلة بستين نيلة، أبقى أعملهالك أنا.

عمرو غربية بيقول ووردبريس عندهم نظام جديد توماتيكي لنقل المدونة، يمكن في يوم من الأيام أبص عليه و أعمل حاجة ينفع الناس الفانية اللي زيك تشغلها لوحدها.

ياعم مالك الموضوع بسيط سيبك من دروبال ده انا مش عارق ايه سبب التعلق بيه وورد بريس بيديك تحكم افضل و بسيط جدا و له شرح بالعربي على موقع تدوين على ما اتذكر و بعدين ماهو كله بلوج و السلام طالما بتكتب اللي انت عايزه ايه المشكلة و مبروك على الدومين


الناس الفانيه بتشكرك
(احنا قلنا الاب الروحي مش الروح القدس يعني فاني بردو )
وبتقولك ناطرين ناطرين ؟
طيب حتعملهولي بعد ما اعرف اشتغل بالدروبال ولا من دلؤتي ؟
يعني انا لو نقلت المحتوى حيفضل حاجه هنا ؟
اصلي خايف اقولك انقل اتكعبل هنا واجي ارجع هنا ملائيش حاجه ابقى لاطلت عنب الشام ولا بلح لاظوغلي
سفنكس
والله يا سفنكس ياخويا سبب التعلق ان الناس اللي بيفضلوا الدروبال وشغالين بيه بالنسبه لي اكثر مصداقيه وخبره
انا لا اعرف دا ولا دا بيني وبينك
هوا مش بلوج والسلام يعني يبقى الدروبال والورد برس انضف الف مره من بلوج سبوت على الاقل التمبلت مش بتضرب كل اسبوع مره زي ما بيحصلي هنا
الله يبارك فيك ياريس

بص ياعم مالك انت مش اشتريت هوست المفروض بييجي مع الهوست حاجة اسمها فانتاستيكو بتخليك تركب اي سكربت من غير ما تعرف اي معلومات اطلاقا و بضغطة واخدة و بعدين ياعم لو مالقيتش دروبال ممكن تركب
php nuke
يعني هيبقى عندك سايت كامل مش بلوج و برضه تقدر تكتب اللي انت عايزه و هيظهر زي البلوج في هيئة بوستات
سلام

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي