« Home | 360 قضاء الله وقدره يا ولاد.... » | معارضه يا ولاد الكلب » | انا مش عاقل ولا مجنون » | زلزال جانا وفرحنا به بعد غيابه وبقاله زمان » | البيان » | إفتح الميه » | مظاهرة الخميس+اعتصام المرصد الاسلامي الجمعه » | قتل وتشريد واعتصام بالكنائس » | الارابيان+ابن رشد+سودان+عام جديد » | ابو اسلام...الافراج » 

25.1.06 

انك ميت وانهم يحيون

انك ميت
وانهم يحيون
انك تمرض
وانهم يصحون
انك تبكي
وانهم يفرحون
انك تدمع
وهم يبتسمون
انك فقير
وهم لك لاعنون

صباح اليوم 4 اطفال قتلوا في مستشفى الشاطبي بالاسكندريه تعتيم تام ورفض وانكار من وزارة الصحه بالاعتراف بالامر
خوف شديد من الاهالي الذين اختفوا تماما والذين علمنا انهم من سكان الورديان
بيبي زان 1 لبن اطفال مجفف مدعم يحتوي على نسبة زرنخه عاليه ادت الى مقتل اكثر من 4 اطفال
كل ما يجي عيل يجرب مني افتكره هوا
جال لناس معرفه انا عندي 7 مليون في البنك ايه يعني لما يتجفل لي صيدليتين
اب لطفل قتل من اللبن على برنامج مع رولا خرسا على الفضائيه المصريه
ويستمر موسم قتل الفقرا
100 مصري اغلبهم من المتخلفين من العمره قتلوا في منى
اطفال الفقراء الذين لا يملكون المال لشراء السيريلاك والنيدو ويشترون الالبان المدعمه يموتون
وزراه الصحه تعلن انها لا تستطيع ان تحكم السيطره على الصيدليات في كل مصر (برنامج القاهره اليوم على اوربت)
الامن المركزي يحاصر مظاهره صامته لانصار ايمن نور ويعتدي على المتظاهرين ويخطف عدد منهم (وائل عباس الوعي المصري )
اي مظاهره فيكي يامصر تلاقي 50 ضعف عددها امن مركزي
عندهم عسكر تقتل الناس وتحاصر وتكمم الافواه
ومعندهمش عدد عشان الاطفال
صحيح الاطفال دول عيال فقرا
عيال شحاتين
مش لاقيين
السرطان في الميه والاكل والموت في اللبن
احذر امامك الموت ولابنائك الموت ومن خلفك ايضا الموت
اليمين يسيطر على مجلس الشعب حتى المعارضه المتمثله في الاخوان يمينيه دينيه
خصخية كل الهيئات الخدميه بدأت بالاتصالات والان العين على السكك الحديد (راجع المصري اليوم عدد الاحد 22/1)
مع خطط لخصخصة كل من البريد والكهرباء والماء
مين حيعارض ؟
الاخوان لا يعنيهم الامر لانهم بصراحه يمنيين ودا حقهم انهم يختاروا اتجاهم السياسي
الحزب الواطي اكبر مستفيد هو ولجان سياساته
الفقرا ولاد كلب اصلا مين قالهم يتولدوا فقرا
الفقر ابو الكفر والمهانه خالته
كفايه الناس بدأت تزهق مافيش جديد مدونيين بيحبطوا ويكتئبوا ويبطلوا تدوين الناس مش عارف رايحه فين
كل مايجي عيل يجرب مني افتكره هوا
يدمع الرجل الذي يبدأ في ثلاثيناته وهو يحكي عن طفله الذي لم يكمل اعوامه الثلاثه الوحيد على بنتين
كنت بهرب منه بالعافيه حتى وانا رايح اصلي في الجامع
يبكي الجميع
ولا يبكي الكلب الساكن في هواء المحروسه
اشمعنى الفقرا والغلابه يا ولاد الكلب ؟
محدش فيكم بيبكي لما يشوف عيل بيموت ؟
مش حقولكم ادوا الناس حقوقها
بس سيبوا الناس تعيش
بلاش الناس تعيش
سيبوا العيال سيبوا العيال تعيش
محدش قالكم اكلوهم او لبسوهم
بس كفايه العيال معملتش حاجه
كل مايجي عيل يجرب مني افتكره هوا
حررررررررررررررام
حرام

موضوع الاطفال الاربعة دا عايزين حد يحاول يفهم ايه اللي حصل
ماهو استحالة يكون السبب المشاع (تطعيم شلل الاطفال)


بلو معرفش العيال اهاليها اختفت اصلا
انا اللي شفته قلته
سفنكس

ياعمنا افهمني
في فرق ضخم بين ثوره ضد المحتل وثوره ضد ابناء الجلده
الثوره ضد الفرنسيين كانت ضد محتلين ثورة19 نفس الفكره اغلبية ثورات مصر كانت ضد اجنبي
والثورات القليله اللي قامت زي اللي حصل ايام المعتزبالله الخليفه الفاطمي كانت عشان المجاعه والناس مش لاقيه تاكل
بس طول مافيه رغيف عيش بشلن وقرص فلافل بشلن الناس حتعيش وتحمدربها وتحلي بشوية جرجير
الصيدلي البري
انا مبحملش حد حاجه
بس بلاش نظريه الحمل الوديع وانهم مش عارفين وجهله واغبيا ومكانوش يعرفوا
بدليل حلقة عمرو اديب على اوربت لما بعتوا واحد اسمها عزه شعبان باين زي مخبر خاص كثير من الصيدليات قالتلها متشتريش اللبن دا عشان مزرنخ وحيضر ابنك وممكن يموته
فبردوا يعني مش منطقيه

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي