« Home | محمد مرسي (طق حنك) » | قالولوا » | انك ميت وانهم يحيون » | 360 قضاء الله وقدره يا ولاد.... » | معارضه يا ولاد الكلب » | انا مش عاقل ولا مجنون » | زلزال جانا وفرحنا به بعد غيابه وبقاله زمان » | البيان » | إفتح الميه » | مظاهرة الخميس+اعتصام المرصد الاسلامي الجمعه » 

3.2.06 

الرفاق+ابو اسلام من تاني


منذ حوالي اسبوع جلسنا نكتب البيان المفترض به ان يوزع يوم الخميس (بالامس)على زائري معرض الكتاب
اتفقنا في البدايه على ان لا نقول حمله تضامن من اجل السودانيين فقط بل من اجل الجميع اي حمله واسعه
تدعى اقيلوا العادلي ومن تحتها تتفرع السودانيين والمعتقلين وشهداء الانتخابات الخ
كان هذا الشئ التزام اخلاقي مني قبل اي شئ اخر لاني لا استطيع مهما حدث ان اخرج واظل ادافع عن السودانيين
فقط وابناء هذا البلد يقبض عليهم ويقتل منهم شهريا اكثر من 56 فرد الذي هو عدد السوادنيين لن استطيع التكيف مع
نفسي ان حدث هذا الشئ باي شكل من الاشكال .
تم الاتفاق على ذلك وحسنا سنتكلم عن الجميع سنقول اقيلوا السفاح نكتب ذلك في البيان يوزع على الناس في الصور
في كل شئ .
بعد ان اتفقنا اقترب مني عمرو عزت هامسا ان لاشئ من ذلك سوف يحدث امنت على كلامه على سبيل التشكك لكني
موقن انه حتى لو غير البيان لن يقترب ناحية النقط الاساسيه وهي المعتقلين والشهداء والتعذيب الخ
كنت موقن ايقانا تاما من ذلك لكن يبدو اني لا افقه في سياسة اليسار المصري الاشتراكي الثوري كثيرا او كنت عبيطا بشكل او باخر
سافرت من الاسكندريه الى المعرض طلبت من اخت لي عمل الجرافيك ووافقت مشكوره وتم بالفعل عمل ثلاث او اربع صور معبرين بشكل جيد
كان تم الاتفاق على عدم الاعلان عن الحدث لدواعي امنيه (الهسس الامني المعتاد لدى الاخوان او اليسار) فجأه وجدت اعلان يتيم على منال وعلاء
رغم اني كنت من المنادين وكانوا هم اشد المعارضين له لا ادري يبدو ان علاء قد وضع الاعلان بدون ان يعلم ان الرفاق رافضين لذلك
ذهبت الى المعرض لم اجد اي صوره عن العادلي او الشهداء او المعتقلين وكلها صور سودانيين وبعض لافتات قديمه عن موبارك والعادلي رفعت الصور
التي معي مع لافته للاجئين احزنني ذلك قليلا لاني لم اجد ما تم الاتفاق عليه لكني قلت ان اكيد البيان سوف يتضمن كل ما اريد اخذت البيان
قمت بتوزيعه لم اقرأه يمكن لاني وثقت انه مستحيل ان يتم المساس بالنقط التي ارى ان الشعب كله مشترك عليها الى ان وجدت احد الاشخاص يناديني
(يا استاذ مش اللي يعوزه البيت يحرم من الجامع ) نظرت اليه مستغربا ...(يا استاذ مش قبل ما نقول يا سودانيين او ياغيرهم مش نتكلم عن اللي بيحصل من البوليس
للناس في كل مكان واخرهم بني مزار والانتخابات وعبود الزمر وحاجات تانيه اكثر؟) اخبرته ان البيان متضمن ذلك وانه لابد ان نقول اقيلوا العادلي بسبب كل شئ
(يا استاذ كلامكم دا مافيهوش غير سوادنيين وبس ومعلش انا شايف ان اللي حصلهم جريمه بس اللي بيحصلنا كلنا يوم جريمه اكبر ولا انتوا بتقبضوا من بتوع حقوق الانسان و
لا خايفين ولا عشان فيه دعم دولي او حيكون فيه عشان السودانيين ؟) حينها لم اكن اعرف ما افعله فانا لم استعد لذلك وانا رافض تماما ان تكون القضيه سودان فقط مع
تعاطفي الشديد وعملي من اجل هذا الموضوع لكن الموضوع كان اكبر من سودان استأذنته في قراءة البيان وجدته نسخه مشابهه لبيان حركة يد التي قامت بكتابته من قبل
اميره الطحاوي ولا يختلف كثيرا في افكاره او اهدافه
اومال فين ام البيان اللي احنا اتفقنا عليه ؟
تركت الرجل معللا ان هناك اكثر من بيان وان هذه الورقه احدى البيانات وذهبت الى الرفاق لاسئلهم اخبروني ان انتظر بعد ما ينتهي اليوم وسنتحدث
انتظرت انتهى اليوم لم يأتي احد ولم اجد احد
شئ جميل
تذكرت قبلها بايام قليله شكواهم المره من بعض قيادات كفايه وانهم لا يشاركوهم القرار وان وان وان وان
وجدت شئ غريب جدا ان الكل يود ان يزمر لكن لا احد يود ان يشرك احد في العزف
________________________________
تم القبض على ابو اسلام تلقيت اتصال من ابنه الدكتور اسلام اخبرني ان الامن اعتقل والده من المعرض ذهبت الى مكان والده وجدت فعلا هذا ما حدث والسبب كما يقول الامن
ان ابو اسلام يبيع كتب مزوره الغريب ان ابواسلام كما علمت من جيرانه العارضين لا يبيع الا كتبه اعتقد انه ممكن ان يزور كتبه ان ارادت ذلك الحكومه
اعطيته تليفون علاء لكي يناقش معاه الجانب القانوني وفي انتظار ما سنفعله مجددا

بص يا حبيبي أنا أتعلمت أن ما حك ظهرك و الكلام ده

أنت تعمل بيانك و تطبعه و تصور منه نسخ و تعمل يفطك و تجهز حاجتك و تلم حواليك أصحابك اللي مشاركينك في نفس الرأي و هو ده النظام

لو كلامك له معنى الباقي هيقلدك بعد شوية، و لو عملت حاجة مختلفة و يمكن صادمة هتفرض عليهم يتناقشوا و يتحاوروا و يفكروا و يمنك يغيروا طريقتهم و بعدين تلف و تعمل كده من الأول

و أفكرك الشغل كان عامل ازاي قبل السيدة و قبل مظاهرة يوم التضامن مع ضحايا التعذيب و قبل تدريب المراقبين المتطوعين في انتخابات الرئاسة و قبل مظاهرة يوم انتخابات الرئاسة و و و و و و

متستناش قرار ديمقراطي ولا احترام بتنجان و على فكرة ده احتمال كبير يكون كسل و تكاسل فقط مش أي حاجة تانية

و فكر كده يا ترى حركة متخلفين من أجل التغيير انطلقت ليه؟ و فكر كمان أنت محسوب عليها شئت أم أبيت ليه؟

بخصوص أبو اسلام أنا قلت لاسلام أكتر حد هينفعهم دلوقتي النقابة، يتصل بمحمد عبد القدوس و مجدي حسين.

و لما يبقى عندك معلموات جهز حاجة عشان نعمل بيان و ان كان مؤكد هيتوه في الزحمة، في كورة و في رسومات دنماركي و أفشخنات.

أبو إسلام تاني؟؟؟؟؟!!!!!!!!ا

أنا توقعت أن يتم كتابة البيان من جديد
ليس لاعتقادي في تسلط شخص او تيار
و لكن لاني اعتقد ان بيان قصير من المفترض ان يكتبه شخص واحد لكي يكون متسقا
و يمكن للاطراف التي يعبر عنها البيان ان تشترك في وضع الخطوط الواسعة للبيان
و النقاط التي يتضمنها

ما حدث ان البيان اصبح بيانا اخر
و غابت كل النقاط و الخطوط التي اتفق عليها

و هذا في رايي يعبر عن عشوائية و فوضي العمل و غياب النظام و قيام العمل علاي الارتجال الفردي

و ربما بدرجة ثانية غياب التقاليد الديمقراطية الحقيقة

و لكن بالاساس لا يمكن ان تكون هناك ديمقراطية قرار في كيان لا تعرف علي وجه التحديد من هم اعضاءه

وذلك موجود في لجنة التضامن مع اللاجئين السودانيين التي لا اعرف شخصيا هل انا منها ام لا

اللجنة عضويتها لحظية لكل من يريد العمل علي هذه القضية

احمد ربك ان المعرض اتعمل
المعرض اللي قبله في مصطفي محمود ما اتعملش اصلا
و بعد ما كنت حضرت ورق و يفط و صور
بعد ساعة من الانتظار في الميدان
كملنا تسعة و سلمنا علي الامن و روحنا

تاني أبوإسلام؟!

كلامك مضبوط.
لأن التركيز على كل حالة بشكل جزئي و منفصل هو سبب كل اللي احنا فيه و هو اللي الحكومة بتلعب عليه. تربيط المسائل و إرجاعها للأسباب هو اللي يحفظ لها الزخم و التراكمية.
لكن كمان كلام علاء مظبوط، اعمل اللي تقدر عليه و بعدين يمكن تلاقي حدد ممكن يتناقش معك.

أنا ما جيتش مع اني قلتلك هاجي، معلش.

و إذا كانت الحكومة شايفة أن أيمن نور زور توكيله هو شخصيا، هتتكسف تقول أن أبو إسلام بيضرب كتبه هو شخصيا (و لو أنه قانونا ممكن لو كان مش هو الناشر و في بينهم عقد!)


علاء انا متفق معاك بس في وقتها الواحد مفكرش كدا
كانت الفكره بكل بساطه هي انك المفروض داخل لجنه وبتعملوا كلكم مع بعض وعليها المفروض ان الاتفاق يحترم
انا عولت على اننا مادام شغالين مع بعض يبقى حيكون في احترام للكلمه ودا للاسف محصلش
انا متفق معاك واعتقد ان دا اللي حبدأ اعمله من المره اللي جايه ان شاء الله
طيب ححاول اجهز حاجه لابو اسلام بس تعتقد حيكون ليها لازمه ؟
سقراط
تاني يا ستو تاني
عمرو
انتا فاكر ان معرض معرض الكتاب كان فيه كام واحد ؟
احنا معدناش 4 من وجه عليهم حوال 3 او 4 بعد كدا من شباب (الوشوش المعتاده هيثم ومدحت الخ )
كل الحكايه ان الموضوع اتعمل مع شعراء الرصيبف فاخد زخم شويه لا اكثر ولا اقل
يحي
تاني ابو اسلام
الف
المشكله اننا المفروض شغالين في حاجه واحده واننا اتفقنا على شئ واحد وبعد كدا اتغير جذريا
المشكله انهم بيصوتوا من قلة الديمقراطيه في كل حته والكل مش هما بس بيخالفوا الكلام دا عند اول مفرق
كلام علاء اعتقد انه اللي حيحصل بعد كدا بغض النظر عن اي حاجه تانيه
ابو اسلام هوا الناشر على فكره
بس ابو اسلام مش بالقوه دي حتى لو كان مطلع تلاته سلسفيل ام كل الكره الارضيه
في النهايه اعتقاله كل شويه دا مالهوش اي عالقه باي نوع من انواع المنطق باي شكل من الاشكال ؟
انا بجد مش فاهم ايه خطورة الراجل دا ؟؟

Post a Comment

عني

  • AUCWORKERS
  • Cairo, Egypt
  • AUC workers Strike
My profile

كتابات قديمه

مفضلتي