MaLcoLM X

توفى الى رحمة الله تعالى الاستاذ المستشار عادل عيد نائب اسكندريه الاول على مر تاريخها الحديث (ستشيع الجنازه عصر غد من مسجد المواساه)
مات الاستاذ عادل عيد من المرض ام من خذلان الناس له ام من تخلي الاصدقاء قبل الاعداء عنه
مات الاستاذ عادل عيد ولم يصبح النائب من جديد بعد ان اغتصبها منه كلب من كلاب الحزب الوطني والتطبيع
بعد ان خانه اهل دائرته مقابل دراهم لم تسمنهم اوتغنيهم
بعد ان تخلى عنه من دافع عنهم واعتبرهم اصدقائه من الاخوان
بعد ان اشاع عنه الكلاب ما اشاعوه
مات عادل عيد (كان نفسي محمد طق حنك يكون لسه بيدون لانه الاجدر من اي شخص انه يتكلم عن الرجل دا )
مات عادل عيد
الله يرحمك يا اسكندريه
اللهم ارحمه
اللهم ارحمه
اللهم ارحمه
واهد قومه من بعده
______
تدوينه لي هناك

http://don2ol.blogspot.com/2006/02/blog-post.html

منذ حوالي اسبوع جلسنا نكتب البيان المفترض به ان يوزع يوم الخميس (بالامس)على زائري معرض الكتاب
اتفقنا في البدايه على ان لا نقول حمله تضامن من اجل السودانيين فقط بل من اجل الجميع اي حمله واسعه
تدعى اقيلوا العادلي ومن تحتها تتفرع السودانيين والمعتقلين وشهداء الانتخابات الخ
كان هذا الشئ التزام اخلاقي مني قبل اي شئ اخر لاني لا استطيع مهما حدث ان اخرج واظل ادافع عن السودانيين
فقط وابناء هذا البلد يقبض عليهم ويقتل منهم شهريا اكثر من 56 فرد الذي هو عدد السوادنيين لن استطيع التكيف مع
نفسي ان حدث هذا الشئ باي شكل من الاشكال .
تم الاتفاق على ذلك وحسنا سنتكلم عن الجميع سنقول اقيلوا السفاح نكتب ذلك في البيان يوزع على الناس في الصور
في كل شئ .
بعد ان اتفقنا اقترب مني عمرو عزت هامسا ان لاشئ من ذلك سوف يحدث امنت على كلامه على سبيل التشكك لكني
موقن انه حتى لو غير البيان لن يقترب ناحية النقط الاساسيه وهي المعتقلين والشهداء والتعذيب الخ
كنت موقن ايقانا تاما من ذلك لكن يبدو اني لا افقه في سياسة اليسار المصري الاشتراكي الثوري كثيرا او كنت عبيطا بشكل او باخر
سافرت من الاسكندريه الى المعرض طلبت من اخت لي عمل الجرافيك ووافقت مشكوره وتم بالفعل عمل ثلاث او اربع صور معبرين بشكل جيد
كان تم الاتفاق على عدم الاعلان عن الحدث لدواعي امنيه (الهسس الامني المعتاد لدى الاخوان او اليسار) فجأه وجدت اعلان يتيم على منال وعلاء
رغم اني كنت من المنادين وكانوا هم اشد المعارضين له لا ادري يبدو ان علاء قد وضع الاعلان بدون ان يعلم ان الرفاق رافضين لذلك
ذهبت الى المعرض لم اجد اي صوره عن العادلي او الشهداء او المعتقلين وكلها صور سودانيين وبعض لافتات قديمه عن موبارك والعادلي رفعت الصور
التي معي مع لافته للاجئين احزنني ذلك قليلا لاني لم اجد ما تم الاتفاق عليه لكني قلت ان اكيد البيان سوف يتضمن كل ما اريد اخذت البيان
قمت بتوزيعه لم اقرأه يمكن لاني وثقت انه مستحيل ان يتم المساس بالنقط التي ارى ان الشعب كله مشترك عليها الى ان وجدت احد الاشخاص يناديني
(يا استاذ مش اللي يعوزه البيت يحرم من الجامع ) نظرت اليه مستغربا ...(يا استاذ مش قبل ما نقول يا سودانيين او ياغيرهم مش نتكلم عن اللي بيحصل من البوليس
للناس في كل مكان واخرهم بني مزار والانتخابات وعبود الزمر وحاجات تانيه اكثر؟) اخبرته ان البيان متضمن ذلك وانه لابد ان نقول اقيلوا العادلي بسبب كل شئ
(يا استاذ كلامكم دا مافيهوش غير سوادنيين وبس ومعلش انا شايف ان اللي حصلهم جريمه بس اللي بيحصلنا كلنا يوم جريمه اكبر ولا انتوا بتقبضوا من بتوع حقوق الانسان و
لا خايفين ولا عشان فيه دعم دولي او حيكون فيه عشان السودانيين ؟) حينها لم اكن اعرف ما افعله فانا لم استعد لذلك وانا رافض تماما ان تكون القضيه سودان فقط مع
تعاطفي الشديد وعملي من اجل هذا الموضوع لكن الموضوع كان اكبر من سودان استأذنته في قراءة البيان وجدته نسخه مشابهه لبيان حركة يد التي قامت بكتابته من قبل
اميره الطحاوي ولا يختلف كثيرا في افكاره او اهدافه
اومال فين ام البيان اللي احنا اتفقنا عليه ؟
تركت الرجل معللا ان هناك اكثر من بيان وان هذه الورقه احدى البيانات وذهبت الى الرفاق لاسئلهم اخبروني ان انتظر بعد ما ينتهي اليوم وسنتحدث
انتظرت انتهى اليوم لم يأتي احد ولم اجد احد
شئ جميل
تذكرت قبلها بايام قليله شكواهم المره من بعض قيادات كفايه وانهم لا يشاركوهم القرار وان وان وان وان
وجدت شئ غريب جدا ان الكل يود ان يزمر لكن لا احد يود ان يشرك احد في العزف
________________________________
تم القبض على ابو اسلام تلقيت اتصال من ابنه الدكتور اسلام اخبرني ان الامن اعتقل والده من المعرض ذهبت الى مكان والده وجدت فعلا هذا ما حدث والسبب كما يقول الامن
ان ابو اسلام يبيع كتب مزوره الغريب ان ابواسلام كما علمت من جيرانه العارضين لا يبيع الا كتبه اعتقد انه ممكن ان يزور كتبه ان ارادت ذلك الحكومه
اعطيته تليفون علاء لكي يناقش معاه الجانب القانوني وفي انتظار ما سنفعله مجددا

كلام ياما كنت عايز اكتب عن الشخص دا
بس بعد ما كتبته حسيت نفسي بيضان
فقلت كفايه اني اكتب اسمه على تدوينه ومش عارف اعمل ايه بعد كدا
محمد مرسي طق حنك اللي بطل يطق حنك ممكن عشان طق من جنابه او اتبضن من التدوين او قفل الدكانه ومشي زي ما بيقول
مش عارف
بس بجد مفتقد طق حنك يا انونيموس4
حظك بسمع دلؤتي من منيب
ليه ياسنين العمر ترضي لنا بالمر دا لولا فينا صبر لهان علينا العمر

قالولي اشتري دومين
اشترينا
قالولي حول دروبال احسن
حولنا
حد يفهمنا نغير نبدل نظبط ازاي ؟
محدش عبر اهلنا
حاجه تقرف
مافيش اي شرح بالعربي
والشرح اللي عند علاء
مش كفايه
والشروح كلها بالزفت الانجليزي
حتى اللي على ام ايجي لج
بام انجليزي
الرحمه يا بشر احنا جهله ولاد ستين عرب مبنفهمش غير ام عربي
حد من اللي ربنا فتح عليهم بنعمة اللغات المتعدده يرحم اهل الجهله اللي زي حالتنا ويعبرنا بحاجه مفصله بالعربي تشرح ام الزفت اللي اسمه دروبال
عشان دا وقف حال
(حاسس ان واحد حيدخل يرخم على اهلي ويقولي مادام متعرفش انجليزي وجاهل ومتخلف ومصري خليك على ام بلوج سبوت ومش لازم تنضف .....مبدأيا كدا ربنا يسامحه)

صحيفة الوطن السعوديه
وفي نهاية الحفل أدلى صاحب السمو الملكي الأمير سلطان بن عبدالعزيز بتصريح صحفي أوضح فيه أن ما حدث (اليوم) عند مدخل جسر الجمرات الشرقي هو قضاء الله وقدره وقال سموه أول شيء يجب أن نؤمن بالقضاء والقدر ما أراد الله سبحانه وتعالى لا يرده إنسان لا كبير ولا صغير لأن إرادة الله فوق كل شيء.
وأضاف سموه قائلا الأمر الثاني هدانا الله وإياهم إخواننا الحجاج ينهون عن نقل العفش وأعمالهم وأشغالهم على أكتافهم وقت الرجم .. الذي حصل اليوم الرمي كان على أعلى مستوى وكان مستمرا من الصباح إلى الفجر كل يوم ولم توجد أي مشكلة.
الذي حدث أن أكثر من 12 شخصا كانوا يحملون عفشا كبيرا على ظهورهم فمع الزحام سقطوا في الأرض وسقط بعضهم على بعض وصار يسقط الواحد على الآخر حتى توفي حوالي 300 شخص وأكد سمو الأمير سلطان بن عبدالعزيز أن الدولة لم تدخر وسعا ولا يمكن أن نرد قدر الله . وقال الذي يظن أننا نحن نستطيع أن نرد قضاء الله هذا مغالط ولا بشر يستطيع يرد قدرة الخالق سبحانه وتعالى لكن نتألم ونتأسف لهم ولذويهم ونعزيهم باسم قيادتنا واسم شعبنا كله وما قدر الله كان.
انتهي كلام كلب من كلاب الاسره الداعره السعوديه
بيفكرني بكلام داعر اخر
واحده بتنشر غسيل سقطت شويه ميه على جارتها اللي تحتيها قامت خناقه
للدرجه دي ارواح البشر هينه عندكم ؟
وعشان ايه ؟
ملك فان ؟
ويوم القيامه ؟
عارف يوم القيامه ولا محتاج ارشادات عشان توصل ؟
هو اول مكان المفروض بتوصل بعد قيام الساعه
عارف اي ساعه ؟
لا مش ساعه رولكس من اللي بتجمع منها بالالاف ولا ساعه سويسري تانيه
دا قيام ساعه تاني
اه اكيد عارف اي ساعه ومش محتاج وصف ولا حاجه اكيد علمائك المتسلطنين شرحولك بتوع حلال حلال وحرام حرام على واحده ونص
360 شهيد ان شاء الله واكثر من 200 واحد جريح
قضاء الله ؟
هو قضاء الله بيختار ان اللي يموت فقير ؟
للدرجه دي قضاء الله عندك طبقي وعنصري
ان من الموتى 100 مصري و260 افريقي واسيوي
فقرا وغلابه وحلمهم طول عمرهم انهم يشوفوا مكه والمدينه ؟
يرجعوا شايلين مية زمزم للتعبان والمديون واللي عايز يجوز بنته العانس ولا ابنه اللي عدى الـ40 ؟
هوا دا قضاء ربنا ؟
ربنا عندك للدرجه دي ظالم ؟
مبيموتش غير الفقير والاسود ؟
ربنا عندك رجل تاجر غني
زي خاشقجي وامثال بيتاجر في ارواح الناس ويقتل الفقير منهم والاسود
قضاء ربنا يا امير يا سلالة دم اعرابي جاهل منافق
للدرجه دي ظالم
مموتش حد من الاغنيا واتشطر على الفقرا
اللي موراهمش حكومه تتدعمهم ولا اموال تسندهم
بس الفقرا اللي ماتوا
اللي مش حيشتكوا
اللي حيقولوا يا سلام يا بخت اللي مات في الارض الطاهر ه الطيبه
يارب نكون زيهم
دا منتهى امالهم وعند وكلابك عارفين كدا
يموت دحسا بالاقدام
ماهو خلاص قضاء ربنا ان الجهله والفقرا والملونيين
يموتوا
لا راد لقضاء الهك
لا راد لقضاء الهك
اما الهي واله قومي
فلا اعتقد يوما ان يكون ذلك قضائه
اللهم ارحم من مات في منى واربط على قلوب ابنائهم واحبابهم وانتقم من ظالميهم وقاتليهم
اللهم انت الجبار فارهم جبروتك وانت المنتقم فارهم انتقامك
اللهم لا معز سواك ولامذل غيرك
فاعز من مات واذل من قتلهم
مش عارف اقول ايه
حاسس اني بقيت زي الولايا عاجز
عاجز